35:544  taisent,  ils  ne  scavent  pourquoy:  mais  tant  y  a  qu'ils  sont  tousiours  en  angoisse.  Et  nous  voyons  un  exemple  notable  de  toutes  ces  choses  au  bon  Roy  Ezechias.  Il  est  vray  que  Dieu  ne  nous  amenera  pas  tous  egalement  a  un  tel  examen:  car  s'il  nous  exerce,  ce  sera  selon  nostre  debilite:  il  regarde  que  nous  ne  serions  pas  suffisans  pour  endurer  de  tels  heurts  et  assaux,  il  nous  espargne  donc:  mais  quand  il  luy  plaira  de  nous  esprouver  en  telle  sorte  (comme  nous  lisons  yci  l'exemple  du  Roy  Ezechias)  si  faut-il  que  nous  soyons  desia  munis  de  ceste  doctrine.  Voyla  donc  en  somme  ce  que  nous  avons  a  retenir.  Et  au  reste  que  nous  apprenions  que  c'est  de  toute  la  constance  des  hommes.  Ils  pourront  bien  monstrer  quelque  signe  de  vertu,  voire  quand  Dieu  ne  desployera  sa  force  contr'eux:  mais  si  tost  qu'il  nous  appellera  a  conte,  il  faut  que  tout  ce  que  nous  cuidons  avoir  de  vigueur  en  nous  s'escoule  et  s'esvanouisse.  C'est  ce  que  nous  avons  a  prattiquer  pour  nostre  instruction  a  une  vraye  humilite:  car  nous  scavons  que  les  hommes  demeurent  tousiours  en  leur  presomption  et  se  conflent  en  eux-mesmes.  Et  qui  est  cause  de  cela,  sinon  qu'un  chacun  regarde  a.  son  compaignon?  Et  voyla  comme  nous  cuidons  estre  bien  habiles:  mais  il  nous  faloit  eslever  nos  sens  a  Dieu,  car  nous  trouverons  la  que  si  tost  qu'il  s'adressera  a  nous,  nous  ne  serons  plus  rien.  Cognoissons  donc  que  c'est  pour  nous  abysmer  en  une  seule  minute,  si  tost  que  Dieu  nous  fera  sentir  son  ire:  cognoissons  aussi  que  iusques  a  ce  que  nous  soyons  despouillez  de  toute  confiance  de  nous-mesmes,  nous  ne  pourrons  estre  rangez  a  droite  humilite.  Car  cependant  que  les  hommes  ont  quelque  opinion  d'eux-mesmes,  et  qu'ils  cuident  pouvoir  ceci  ou  cela,  ii  est  certain  qu'ils  desrobbent  a  Dieu  ce  qui  luy  appartient.  Et  puis,  quand  ils  s'eslevent  ainsi  sans  fondement  aucun,  c'est  po.ur  leur  rompre  le  col.  C'est  donc  ce  que  nous  avons  a  retenir,  ascavoir  que  tout  le  cuider  des  hommes,  quand  ils  se  conflent  en  leurs  propres  vertus,  n'est  qu'un  songe,  d'autant  qu'ils  ne  regardent  point  a  Dieu,  et  qu'ils  ne  s'arrestent  point  la,  afin  d'estre  despouillez  de  toute  vaine  outrecuidance.  Et  au  reste,  quand  nous  oyons  yci  parler  d'un  tel  gazouillement,  et  qu'Ezechias  confesse  qu'il  n'a  peu  exprimer  un  mot,  mais  qu'il  barbottoit,  ne  scachant  quasi  ce  qu'il  devoit  dire,  cognoissons  que  quand  nostre  Seigneur  nous  pressera  en  telle  sorte  que  nous  ne  pourrons  pas  former  une  requeste,  ou  avoir  une  oraison  bien  reglee,  la  porte  toutes  fois  ne  nous  sera  point  fermee  que  nous  ne  venions  a  luy.  Ce  que  ie  di,  pource  que  ceste  tentation-ci  est  dangereuse.  Ii  est  vray  que  si  nous  n'appercevons  en  nous  un  zele  de  prier  Dieu,  et  puis  une  disposition  pour