32:544  faillir:  voyla  ou  ie  m'atten.  C'est  ainsi  donc  que  nous  devons  ensuyvre  ceste  doctrine,  c'est  ascavoir,  quand  le  monde  d'un  coste  se  moquera  de  ce  que  nous  avons  este  trop  faciles  a  croire  a  Dieu,  que  Satan  taschera  de  nous  divertir  de  ceste  certitude  que  nous  avons  eue:  que  neantmoins  nous  ne  laissions  point  de  dire,  Seigneur,  c'est  toy  qui  as  parle,  c'est  a  toy  que  ie  me  suis  attendu.  Seigneur,  que  tu  me  faces  selon  ta  Parole.  Au  reste,  comme  nous  avons  a  reduire  en  memoire  les  promesses  de  Dieu,  lorsque  nous  sommes  assaillis  par  Satan  et  par  les  meschans,  notons  aussi  (comme  il  a  este  traitte  par  cy  devant)  que  c'est  la  ou  il  nous  faut  fonder  toutes  nos  requestes:  que  si  nous  voulons  prier  Dieu  sans  feintise,  et  obtenir  ce  que  nous  demandons,  qu'il  ne  faut  point  que  nous  prions  en  l'air,  pour  dire,  Seigneur,  ie  te  fay  une  telle  priere,  pource  que  ie  voudroye  qu'ainsi  fust.  Oar  ce  seroit  une  temerite,  et  une  audace  trop  grande*  de  penser  assuiettir  Dieu,  et  le  brider  a  nostre  vouloir,  et  le  requerir  qu'il  fist  selon  nostre  appetit:  mais  il  faut  que  sa  parole  nous  conduise,  et  qu'elle  nous  esclaire,  que  nous  rapportons  tout  a  icelle,  et  que  nous  y  soyons  appuyez.  Voyla,  di-ie  en  quoy  nos  prieres  sont  approuvees,  ascavoir,  quand  nous  ne  prierons  point  Dieu  selon  que  bon  nous  semblera,  mais  que  nous  serons  munis  de  ce  qu'il  nous  a  promis.  Et  c'est  aussi  en  quoy  nous  differons  d'avecques  les  Payens  et  incredules.  Car  nous  voyons  que  les  Turcs,  et  tous  les  idolatres  prieront  bien  Dieu.  Mais  en  quelle  sorte  sera-ce?  A  l'adventure:  tellement  qu'ils  ne  scavent  comme  ils  en  sont.  Or  au  contraire,  il  faut  que  nous  y  venions,  estans  certains  d'estre  exaucez.  Et  d'ou  procedera  ceste  certitude?  si  nous  n'avons  la  verite,  laquelle  alle  devant,  pour  dire,  Voy  ci  le  Seigneur  qui  nous  appelle  a  soy?  Et  quand  nous  venons  a  luy,  ce  n'est  point  d'une  folle  presomption:  mais  nous  y  venons  ainsi  comme  il  nous  l'a  commande.  Voyla  doncques  ce  que  nous  avons  encores  a  noter  en  ce  passage,  quand  David  met  yci  en  avant  les  promesses  de  Dieu,  par  lesquelles  il  s'estoit  oblige  a  luy:  Seigneur,  dit-il,  fay-moy  selon  ta  Parole.  Or  maintenant  il  y  a  encores  un  article,  lequel  est  bien  utile  :  c'est  ascavoir,  apres  que  nous  serons  asseurez,  que  Dieu  nous  -a  promis  de  faire  ce  que  nous  luy  demanderons,  qu'il  ne  faut  plus  que  nous  soyons  en  doute  s'il  en  sera  ainsi:  mais  que  la  chose  nous  soit  du  tout  conclue,  que  nous  la  tenions  certaine.  Car  quand  Dieu  parle  a  nous,  il  est  certain  qu'il  ne  nous  veut  point  frustrer:  il  ne  nous  donnera  point  de  belles  paroles,  ainsi  que  les  hommes  tromperont  souventesfois,  et  seront  assez  larges  en  la  bouche,  mais  la  main  sera  close  cependant.  Or  Dieu  n'est  pas  ainsi.  Venons  donc  nous  presenter  a  luy,  sans  nous  desfier.  Avons-