25:544  possidendas  Eleazar  sacerdos,  et  Iosue  filius  Nun,  et  principes  patrum  tribuum  filiorum  Israel  per  sortem  in  Silo  coram  Iehove  ad  ostium  tabernaculi  conventionis,  et  finem  fecerunt  dividendi  terram.  Nunc  de  sorte  Nephthali,  quae  videtur  congruere  ingenio  et  moribus  illius  familiae:  Iacob  enim  testatus  fuerat  mansuetos  fore,  et  qui  blandis  sermonibus  vicinos  mulcerent  (Gen.  49,  21).  Hac  ratione  videntur  contigui  ab  una  parte  fuisse  filiis  Iuda:  alibi  autem  cincti  fuisse  fratrum  suorum  praesidiis.  Certe  quum  dicitur  tribus  Dan  expugnasse-  Lesen,  videtur  tacita  fieri  comparatio,  quod  filii  Nephthali,  non  irruperint  armata  manu  in  suam  haereditatem:  sed  placide  se  continuerint  in  ditione  pacat:  atque  ita  sub  fide  et  quasi  clientela  tribus  Iuda  et  aliarum  tuti  quietique  fuerint.  Porro  quod  imperium  urbis  Lesen  divinitus  sibi  addictum  armis  vindicarunt  filii  Dan,  id  demum  post  mortem  Iosue  contigit.  Sed  hic  obiter  inseritur  historia,  quae  fusius  narratur  in  libro  Iudicium  (Iudic.  18),  quia  strenuitas  fuit  laude  digna,  ius  a  Deo  concessum  sic  amplecti,  ut  eo  freti  ad  profligandos  hostes  strenue  descenderent.  49.  Quum  autem  finem  fecissent.  Tandem  hic  narratur  gratitudo  populi  erga  Iosue.  Nam  etsi  aequa  fieri  debuit  partitio  terrae  Chanaan  inter  posteros  Abrahae,  virtutum  tamen  suarum  praestantia  promeritus  est  Iosue  honorarium  aliquod  praemium.  Nec  conqueri  quisquam  potuit,  suo  dispendio  unum  hominem  ditari.  Nam  primum  in  cunctatione  refulget  sancti  viri  moderatio,  quod  non  ante  privatim  sibi  consulit,  quam  publicus  status  est  compositus.  Quotusquisque  reperietur  qui  non  post  editum  unum  vel  alterum  specimen  suae  virtutis  ad  praedam  festinet?  non  sic  Iosue,  qui  de  se  non  cogitat,  donec  terra  divisa  fuerit.  In  ipso  quoque  praemio  eadem  conspicitur  temperantia  et  frugalitas.  Urbem  sibi  et  familiae  dari  postulat,  nempe  acervum  lapidum,  quia  vel  diruta  erat,  et  ruinis  deformis,  vel  nulla  urbs  fuerat  illic  exstructa.  Verum  probabilis  coniectura  est,  ut  invidia  donum  careret,  sibi  vicum  aliquem  minime  opulentum  quaesiisse.  Si  cui  absurdum  videtur,  non  gratuitam  operam  impendisse,  reputet  Dei  vocationi  liberaliter  paruisse,  nec  mercenario  animo  subiise  tot  labores,  pericula,  et  molestias:  sed  quum  officio  sponte  perfunctus  esset,  non  repudiandum  fuisse  monumentum  gratiae  Dei,  nisi  perverso  contemptu  gloriam  eius  obruere  vellet.  Nam  quae  delata  fuit  praerogativa,  nihil  aliud  quam  simplex  testimonium  coelestis  potentiae  fuit,  quae  per  eius  manum  patefacta  fuerat.  Nec  vero  ulla  ambitio  hic  notari  potest,  quia  nihil  sibi  appetit,  nec  suam  cupiditatem  temere  ingerit:  sed  honorem  quem  iam  Deus  in  ipsum  contulerat  confirmari  rogat  populi  consensu.  In  quo  si  tacuisset,