5:543  ACTES  DE  KATISBONNE.  Christ  approuve  es  cieux  ce  qu'en  son  Nom  son  ministre  faict  en  terre.  Et  d'autant  que  la  puissance  des  clefz  s'estend  plus  loing',  que  a  la  remission  des  pechez,  a  ceste  cause  puis  apres  nous  en  parlerons  plus  amplement.  H  fault  aussi  enseigner  touchant  satisfaction,l)  que  celle  qui  est  propiciatoire  de  la  coulpe,  abolissante  1a  peine  eternelle,  doit  estre  attribuee  a  Christ  seul.  Et  que  la  satisfaction  canonique,  qui  peult  estre  dicte  castigatoire,  receue  des  Curez,  et  ceux  qui  ont  l'administration  des  Sacremens,  et  accomplie  en  foy,  destruit  les  causes  des  pechez  preteritz,  et  remedie  aux  reliques  de  peche.  Aussi  qu'elle  oste  ou  adoulcit  la  peine  temporelle,  finablement  qu'icelle  sert  pour  exemple.  Or  quand  a  la  reservation  des  peines,  il  n'y  [fol.  37l  a  nul  qui  la  congnoisse,  sinon  que  Iesus  Christ,  auquel  le  Pere  a  donne  tout  iugement.  Et  pourtant  il  fault  laisser  au  seul  Dieu  l'inquisition  et  iugement  parfaict  des  dictes  peines.  Du  Sacrement  de  Mariage.  Le  Sacrement  de  Mariage  est  particulier  aux  Chrestiens  seulement,  qui  congnoissent,  que  Mariage,  qui  est  ioinct  et  contract  au  Nom  de  Dieu  et  de  Christ,  est  une  coniunction  saincte  et  approuvee,  entre  un  seul  homme  et  une  seule  femme,  confirmee  par  la  benediction  et  consecration  de  Christ:  ce  qui  n'est  pas  ainsi  au  Mariage  des  infideles.  Car  Christ  ayant  abolie  la  separation  iudaique,  que  Moyse  avait  permis  a  ceste  nation,  pour  la  durete  de  leurs  coeurs,  a  restitue  le  Mariage  en  sa  premiere  purete  (Matth.  19,  8):  lequel  aussi  il  a  voulu  estre  un  signe  sacre  de  ceste  coniunction  excellente,  de  soy  et  de  son  Eglise  (Ephes.  5,  32).  Or  la  promesse  de  ce  sacrement  gist  en  la  parolle  de  Christ,  quand  il  dict:  Celuy  qui  a  faict  du  commencement  l'homme,  il  les  a  faictz  masle  et  femelle  et  a  dict'  A  ceste  cause  l'homme  delaissera  pere  et  mere,  et  sera  adioinct  a  sa  femme,  et  seront  deux  en  une  chair,  parquoy  ce  ne  sont  plus  deux,  mais  une  chair.  Donc  que  l'homme  ne  separe  point  ce  que  Dieu  a  conioinct.  Et  un  peu  apres  :  Moyse  vous  a  permis  de  laisser  vos  femmes  pour  la  durete  de  vostre  coeur,  mais  il  n'a  pas  este  ainsi  du  commencement.  Parquoy  quiconque  delaissera  sa  femme,  sinon  que  a  cause  d'adultere,  et  en  prendra  une  aultre,  il  paillarde.  Ce  que  l'Apostre  expose  quand  il  dict  (1  Cor.  7,  10):  Ie  commande  a  ceux  qui  sont  conioinctz  par  Mariage,  non  pas  moy,  mais  le  Seigneur,  que  la  femme  de  se  departe  point  du  mary;  que  si  elle  s'en  depart,  qu'elle  demeure  1)  Note  marginaie.  De  satisfaction  les  protestans  ont  presente  leur  escript,  signe  D.