40:543  543  PRAELECTIONES  544  gubernatos  divinitus,  ut  steterint  puri  et  integri.  Dicit  enim  postea  Daniel,  8.  Et  posuit  Daniel  super  cor  suum  (vel,  in  corde  suo:  hoc  est,  constituit,  decrevit  apud  se)  ne  pollueretur  in  portione  cibi  regis,  et  in  vino  potuum  eius:  et  quaesivit  a  magistro  (hoc  est,  rogavit  magistrum)  eunuchorum,  ne  pollueretur.  Hic  ostendit  Daniel  se  passum  fuisse  quod  vel  reiicere  vel  effugere  non  poterat:  sed  interea  sibi  cavisse  ne  deficeret  a  timore  Dei,  et  ne  se  alienaret  a  gente  sua,  sed  semper  retineret  memoriam  sui  generis,  atque  ita  maneret  integer  et  illibatus,  et  sincerus  Dei  cultor.  Dicit  igitur  statuisse  in  corde  suo,  ne  se  pollueret  in  cibo  ei  potu  regis,  et  rogasse  praefectum  j  sub  cuius  custodia  degebat,  ne  adigeretur  ad  hanc  necessitatem.  Quaeritur  hoc  loco  an  fuerit  tantum  momenti  in  cibo  et  potu,  ut  debuerit  Daniel  ab  illis  abhorrere.  Videtur  enim  haec  quaedam  fuisse  species  superstitionis,  vel  saltem  videtur  nimis  fuisse  morosus  Daniel,  qui  ita  reiiceret  cibum  et  potum  regis.  Scimus  enim  omnia  esse  pura  puris:  et  regula  haec  valuit  saeculis  omnibus.  Deinde  nihil  simile  de  Iosepho  legimus,  et  postea  verisimile  est,  Danielem  usum  fuisse  promiscue  cibis  quibuslibet,  quum  polleret  magno  honore  apud  regem.  Non  fuit  igitur  perpetuum  hoc  in  Daniele.  Posset  ergo  videri  fuisse  quidam  inconsideratus  zelus:  vel  posset  hoc  adscribi  (sicuti  dictum  est)  nimiae  morositati.  Si  Daniel  tantum  ad  tempus  repudiavit  cibum  regium,  fuit  levitatis  et  inconstantiae  postea  sibi  permittere  libertatem,  a  qua  abstinuerat  ad  tempus:  si  autem  iudicio  et  ratione  hoc  fecit,  cur  non  persistit  in  suo  proposito?  Respondeo,  Danielem  abstinuisse  principio  a  lautitiis  aulae  ne  inescaretur.  Fuit  quidem  et  ipsi  et  eius  sociis  licitum,  vesci  quolibet  cibo,  et  potu:  sed  videbat  quid  rex  captaret.  Scimus  quantum  valeant  illecebrae  ad  nos  fallendos,  praesertim  ubi  laute  tractamur:  et  experientia  ostendit  quam  sit  difficile  tenere  modum  ubi  omnia  nobis  affluunt:  nam  copiam  statim  sequitur  luxus.  Illud  est  nimium  commune:  et  rarissima  est  haec  virtus,  ut  quis  sibi  temperet  quum  cibo  et  potu  abundat.  Neque  tamen  haec  sola  ratio  spectata  fuit  a  Daniele.  Non  igitur  hic  simpliciter  laudanda  est  eius  sobrietas  et  continentia,  quemadmodum  multi  torquent  hunc  locum  ad  laudes  ieiunii,  et  dicunt  hanc  summam  fuisse  virtutem  in  Daniele  quod  praetulerit  legumina  aulicis  delitiis.  Nam  Daniel  non  modo  voluit  sibi  cavere  a  lautitiis  cibi  et  potus,  quoniam  videbat  certum  periculum  instare,  ne  inescaretur  talibus  illecebris,  ideo  simpliciter  statuit  in  corde  suo,  non  gustare  cibum  aulicum,  nempe  ut  in  ipsa  mensa  perpetuo  revocaret  memoriam  gentis  suae.  Voluit