35:543  543  SECOND  SERMON  544  sorte.  Et  de  faict,  il  faut  bien,  quand  on  en  vient  la,  que  tout  courage  et  toute  magnanimite  defaillent:  car  qu'est-ce  de  la  constance  d'un  homme  pour  resister  a  l'ire  de  Dieu?  U  ^aufc  bien  que  ce  soit  plus  que  frenesie  et  rage,  quand  un  homme  le  penseroit  faire.  Yray  est  qu'un  homme  pourra  estre  constant  a  porter  les  afflictions  quand  Dieu  luy  en  envoyera,  mais  comment?  d'autant  qu'il  sera  fortifie  de  Dieu.  Et  puis,  si  les  hommes  le  faschent,  et  qu'ils  le  molestent,  il  considerera  qu'il  ha  affaire  a  des  creatures  s'il  endure  quelque  mal,  et  bien,  il  ronge  son  frein:  mais  quand  Dieu  nous  adiourne,  et  qu'il  nous  fait  sentir  que  nous  sommes  coulpables  devant  luy,  et  que  c'est  maintenant  qu'il  faut  rendre  conte,  que  nos  pechez  nous  menacent,  et  que  cependant  nous  appercevons  la  mort  eternelle  qui  nous  est  apprestee:  la  (comme  fay  dit)  pourrons-  nous  avoir  nulle  vertu  pour  tenir  bon?  il  faudroit  que  nous  fussions  plus  qu'enragez.  Nous  trouvons  point  donc  estrange  si  Ezechias  est  ainsi  abbatu:  car  il  n'est  pas  question  de  resister  a  la  douleur,  ne  repousser  les  iniures  qui  luy  sont  faites  du  coste  des  hommes,  ne  de  baisser  les  espaules  pour  soustenir  quelque  affliction,  mais  il  ha  a  batailler  contre  Dieu,  Et  comment  y  pourroit-il  fournir?  Il  faut  donc  que  du  tout  il  soit  comme  descoulant  en  eau.  Et  voyla  qui  est  cause  qu'il  n'a  peu  former  nulle  complainte  pour  exprimer  son  mal,  et  toutes  fois  il  ne  se  pouvoit  taire.  Voyla  aussi  pourquoy  David  dit  que  quelques  fois  il  s'est  teu,  et  tantost  apres  qu'il  s'est  mis  a  crier  et  a  braire,  et  n'a  senti  nul  allegement.  Nous  voyons  que  les  passions  de  David  ont  este  pareilles  a  celles  du  bon  Roy  Ezechias,  comme  de  faict  aussi  il  adiouste  que  ses  pechez  le  troubloyent,  et  qu'il  estoit  effraye  de  Tire  de  Dieu.  Il  ne  tenoit  donc  regle  ne  mesure,  mais  quelque  fois  il  iettoit  ses  bouffees,  il  s'eslevoit,  et  puis  apres  il  estoit  abbatu  tellement  qu'il  ne  pouvoit  ravoir  son  haleine,  et  tousiours  le  mal  continuoit.  Et  en  l'autre  passage  il  dit  qu'il  s'estoit  teu  comme  s'il  se  fust  bride,  et  qu'il  avoit  conclu  en  soy-mesme  de  ne  plus  sonner  mot.  Non  (dit-il)  ie  seray  la  comme  une  creature  muete,  ie  ne  parleray  point,  ie  ne  profereray  point  une  siliabe:  mais  cependant  (dit-il)  i'ay  senti  la  douleur  qui  s'augmentent,  mesmes  qui  s'allumoit:  comme  un  feu  quand  il  seroit  bien  emprins,  s'il  est  enclos,  alors  il  s'esvertue,  et  monstre  plus  grand'  force,  et  s'esclatte  :  ainsi  David  proteste  qu'en  son  angoisse,  lors  qu'il  a  conclu  de  se  tenir  coy,  et  de  ne  sonner  mot,  c'a  este  alors  qu'il  a  falu  qu'il  ait  monstre  ce  qui  estoit  cache  en  son  coeur,  combien  que  ce  n'ait  este  par  paroles  bien  disposees.  Brief,  ceux  qui  scavent  a  bon  escient  que  c'est  de  l'ire  de  Dieu,  parleront  et  crieront  assez,  cependant  ne  scavent  par  quel  bout  commencer:  et  puis  quand  ils  se