32:543  543  SIXIEME  SERMON  544  l'accomplissement  des  promesses  qui  luy  avoyent  este  donnees,  et  ausquelles  il  s'estoit  attendu.  Comme  s'il  disoit:  Seigneur,  monstre-moy  que  ce  n'est  point  en  vain  que  tu  m'as  promis  de  me  faire  tant  de  bien,  que  tu  me  faces  sentir  par  efiet  que  ta  Parole  est  la  verite  certaine.  Or  qu'il  se  fonde  sur  les  promesses  de  Dieu  il  appert  :  car  il  dit,  Seigneur,  que  tes  misericordes  viennent  a  moy}  et  ton  salut:  afin  que  Paye  de  quoy  respondre  a  mes  ennemis,  et  le  tout  selon  ta  parole.  En  quoy  aussi  nous  voyons  que  Satan  inachinoit  de  renverser  sa  foy,  comme  si  Dieu  l'eust  frustre.  Ainsi  donc,  en  premier  lieu  nous  faut  noter,  que  David  se  sentant  presse,  a  son  recours  aux  promesses  de  Dieu.  Et  c'est  un  poinct  qui  nous  est  bien  utile.  Oar  voyla  comme  nous  devons  prattiquer  la  Parole  de  Dieu,  quand  nous  l'avons  apprise,  quand  ce  vient  aux  combats,  que  Satan  d'un  coste  nous  vient  assaillir,  tellement  qu'il  semble  que  tout  le  monde  ait  conspire  contre  nous,  et  que  nous  n'appercevons  que  ruine  tout  a  l'environ:  c'est  alors,  dy*ie,  que  nous  devons  recourir  aux  promesses  que  Dieu  nous  a  donnees,  et  les  faire  valoir,  voire  pour  les  appliquer  a  nostre  usage,  et  en  sentir  la  vertu.  Or  il  nous  sera  bien  aise,  quand  nous  serons  a  repos,  de  recevoir  tout  ce  que  pieu  nous  a  dit.  Mais  quoy?  Nostre  foy  cependant  ne  sera  point  exercee,  et  nous  ne  pourrons  pas  sentir  si  nous  avons  creu  a  bon  escient,  iusques  a  ce  que  nous  soyons  esprouvez.  Voyla  pourquoy  i'ai  dit  que  ce  passage  merite  bien  d'estre  observe,  que  David  ne  dit  point  sans  cause,  Que  i'aye  dequoy  respondre  a  ceux  qui  me  feront  opprobre.  Car  il  proteste  par  ces  mots,  qu'il  a  este  contemne  et  mesprise  des  meschans,  qu'on  se  moquoit  de  luy,  comme  s'il  eust  este  fol  d'avoir  ainsi  espere  en  Dieu,  mais  que  sa  foy  n'a  point  este  esbranlee.  Et  voyla  comme  Satan  nous  dresse  des  tentations,  quand  les  meschans  nous  viennent  reprocher  que  nous  avons  pense  merveilles:  qu'ayans  ouy  les  promesses  de  Dieu  si  magnifiques  et  si  excellentes,  qu'il  nous  a  semble  que  nous  devions  estre  ravis  par  dessus  les  nues,  et  que  ce  n'est  rien  toutesfois,  comme  il  semble  en  apparence.  Ainsi  en,  est-il  advenu  a  David,  comme  nous  voyons  sur  tout  au  Pseaume  vingtdeuxieme.  Et  nostre  Seigneur  Iesus,  qui  est  le  vray  patron  et  miroir  des  enfans  de  Dieu,  a  soustenu  tels  combats.  Et  bien  (luy  disoit-on)  il  s'est  fie  en  Dieu,  que  maintenant  il  scache  s'il  l'exaucera  ou  non.  Notons  donc  que  David  n'a  point  yci  compose  des  speculations,  comme  feroit  un  homme  oisif  qui  n'auroit  nulles  tentations  ne  difficultez:  mais  estant  ainsi  moque  de  ses  ennemis,  qu'il  sembloit  que  sa  foy  fust  abatue,  et  qu'il  deust  estre  ruine  du  tout,  alors  il  a  son  refuge  aux  promesses  de  Dieu:  Seigneur,  si  est  ce  que  tu  m'as  donne  ta  Parole  qui  ne  me  peut