25:543  543  COMMENTARIUS  IN  IOSUE.  CAPUT.  XIX.  544  tus.  Filios  autein  Issachar  contentos  fuisse  suo  proventu,  et  fructus,  quos  perceperant  ex  labore  suo  et  cultura,  domi  comedisse.  Qui  regionum  illarum  periti  existimantur,  asserunt  agrum  tribus  Aser  fuisse  frumentarium:  quod  optimo  consensu  atque  optimo  concentu  respondet  vaticinio  Iacob.  Quod  nonnisi  exiguus  urbium  numerus  exprimitur,  hinc  rursum  coniicere  licet  multas  tunc  fuisse  ruinas  quae  non  venirent  in  rationem,  et  ex  quo  populus  commode  habitavit,  exstructas  fuisse  multas  urbes,  quibus  terram  fuisse  ornatam  ex  aliis  locis  patet.  Et  certe  apparet,  summam  divisionis  breviter  fuisse  perstrictam  atque  ita  multa  praetermissa,  quae  investigare  nulla  religio  vetat,  modo  ne  curiositas  sine  fructu  molesta  sit.'  Certe  quibus  hic  viginti  urbes  vel  septendecim  tribuuntur,  latius  dominati  sunt.  Ergo  compendium  divisionis  tantum  hic  narratur,  quale  sumptum  fuit  ex  tumultuario  nunciorum  commentario.  32.  Filiis  Nephthali  exivit  sors  sexta,  filiis  inquam,  Nephthali,  per  familias  suas.  33.  Fuitque  terminus  eorum  ab  Heleph,  et  ab  Elon  in  Saanannim,  et  Adami,  Neceb,  et  Iabneel,  usque  ad  lacum:  suntque  exitus  eius  ad  Iordanem.  34.  Postea  revertitur  terminus  ad  mare  ad  Aznoth-thabor:  et  progreditur  illinc  in  Huccoc,  et  pervenit  ad  Zabulon  a  meridie,  et  ad  Aser  pervenit  ab  occidente,  et  ad  Iehuda  in  Iordanem,  ad  ortum  solis.  35.  Et  urbes  munitae,  Siddim,  Ser  j  et  Hammath,  Baccath,  et  Ghinnereth.  36.  Et  Adamah,  et  Ramah,  et  Hasor.  37.  Et  Cedes,  et  Hedrei,  et  En  Hasor.  38.  Et  Iron,  et  Migdal-el,  Horen  ,  et  Beth-anath,  et  Bethsemes:  urbes  novendecim,  et  villae  earum.  39.  Haec  est  haereditas  tribus  filiorum  Nephthali  per  familias  suas,  urbes  istae  et  villae  earum.  40.  Tribus  filiorum  Dan  per  familias  suas  exivit  sors  septima.  41.  Fuitque  terminus  haereditatis  eorum,  Sorah,  et  Esthaol,  et  Irsemes,  42.  Et  Saalabbin  et  Aialon,  et  Ithlah.  43.  Et  Elon,  et  Thimnathah,  et  Ecron,  44.  Et  Elthece,  et  Gibbethon,  et  Baalath,  45.  Et  Iehud,  et  Bene-berac,  et  Gathrimon.  46.  Et  Mehaiarcon,  et  Raccon  cum  termino  contra  Iapho.  47.  Et  exivit  terminus  filiorum  Dan  ab  eis,  ascenderuntque  filii  Dan,  et  pugnaverunt  cum  Lesem,  ceperuntque  eam,  ac  percusserunt  eam  acie  gladii,  et  haereditate  acceperunt  eam,  habitaveruntque  in  ea:  et  vocaverunt  Lesem  Dan,  secundum  nomen  Dan  patris  sui.  48.  Haec  est  haereditas  tribus  filiorum  Dan  per  familias  suas,  civitates  istae,  et  villae  earum.  49.  Quum  autem  finem  fecissent  partiendi  terram  ut  possiderent  singuli  terminos  suos,  dederunt  filii  Israel  haereditatem  ipsi  Iosue  filio  Nun  in  medio  sui.  50.  Secundum  sermonem  Iehovae  dederunt  ei  urbem  quam  petivit,  Thimnathserah  in  monte  Ephraim,  et  aedificavit  urbem,  habitavitque  in  ea.  51.  Istae  sunt  haereditates  quas  tradiderunt