5:542  soyons  a  iceluy  conioinctz,  non  seulement  spirituellement,  ains  corporellement:  et  faictz  oz  de  ses  oz,  chair  de  sa  chair:  estans  faictz  certains,  qu'en  iceluy  Iesus  Christ  nous  avons  receu  remission  des  pechez  et  au  Sacrement  vertu  d'estaindre  la  concupiscence  adherente  en  noz  membres:  ce  qui  est  veritablement  un  tres  doulx  gage  de  remission  des  pechez,  vie  eternelle,  et  societe  avec  Dieu,  a  nous  promise  et  offerte  en  Christ.  Du  Sacrement  de  Penitence  et  d'Absolution.  Nous  lisons  la  parolle  de  ce  Sacrement  en  l'Evangile  S.  Matthieu  (18,  18):  Ce  que  vous  lierez  sur  terre,  sera  lie  es  cieux,  et  ce  que  vous  deslierez,  sera  deslie  es  cieux.  Et  en  S.  Iehan  (20,  23):  Apres  que  Iesus  eust  dict  ces  choses,  il  souffla  en  ses  Apostres  et  leur  dist:  Recevez  le  S.  Esprit:  desquelz  vous  remettrez  les  pechez,  ilz  seront  remiz,  et  desquelz  vous  les  retiendrez,  ilz  seront  retenuz.  Laquelle  parolle  est  certes  pleine  et  abondante  en  toute  doulceur,  par  laquelle  les  consciences  de  ceux  qui  sont  tombez  apres  le  Baptesme,  sont  merveilleusement  dressees:  auxquelles  les  Novatiens,  par  voix  f  fol.  36  j  blasphematoire  a  l'encontre  de  la  misericorde  de  Dieu,  ont  afferme,  que  Penitence  ne  devoit  point  estre  donnee  en  l'Eglise.  Or  l'element  est  ceste  maniere  exterieure,  par  laquelle  Absolution  en  la  parolle  de  Christ  est  donnee  et  receue.  Et  pource  que  les  Prestres  en  ce  Sacrement  exercent  l'office  dc  medecins  spirituelz:  desquelz  le  devoir  est  de  deslier  les  consciences  prinses  es  laqz  de  pechez  et  de  vices  :  aussi  de  soublever  et  consoler  icelles  pressees  par  la  pesanteur  de  Tire  de  Dieu:  a  ceste  cause  on  se  doit  confesser,  a  tout  le  moins  des  pechez  mortelz,  desquelz  on  se  sent  coulpable  et  qui  tiennent  en  soucy  ei  torment  la  conscience.1)  C'est  aussi  une  chose  iuste  et  saincte,  qu'un  chascun  se  soubmette  soubz  la  guarison  de  son  Pasteur,  a  tout  le  moins  une  foys  l'an:  a  celle  fin  qu'iceluy  Pasteur  considere  la  foy  et  conversion  de  celuy  qui  se  confesse:  et  qu'il  remedie  aux  maladies  et  applique  medecine  salutaire,  selon  la  prudence  spirituelle  et  prudent  iugement,  en  l'informant  de  la  parolle  de  Dieu.  Car  a  ce  propos  tend  la  similitude  du  Samaritani  (Luc  10,  30  ss.):  Or  la  vertu  de  ce  Sacrement  est  qu'on  entende  sans  en  rien  doubter,  que  ceux  qui  par  tel  signe  sont  absoulz  des  pechez,  desquelz  legitimement  ilz  se  sont  confesse,  estant  reconciliez  a  l'Eglise:  qu'iceux  (dis-ie)  sont  delivrez  des  liens  de  peche,  et  1)  Note  margmale:  Sur  cecy  les  Protestans  ont  presente  leur  escript,  signe  C.