35:542  continent  abolis  par  sa  seule  Parole.  Puis  qu'ainsi  est  donc,  apprenons  de  cheminer  en  solicitude,  remettons  nos  vies  entre  ses  mains,  cognoissons  que  nous  ne  sommes  rien  du  tout,  sinon  d'autant  que  nous  subsistons  en  luy:  et  autant  de  relasche  qu'il  luy  plaist  de  nous  donner,  attribuons-le  tout  a  sa  grace,  quand  il  nous  allonge  ainsi  nostre  vie:  car  nous  serions  la  comme  defaillans,  s'il  vouloit  seulement  desployer  une  seule  goutte  de  sa  vertu  a  l'encontre  de  nous.  Voyla  donc  ce  que  nous  avons  a  observer  sur  ce  passage,  ou  il  est  parle  du  matin  iusques  a  la  nuit.  Or  il  adiouste  qu'il  a  gazouiile  comme  une  grue  ou  comme  une  arondelle,  et  qu'il  a  gemi  comme  une  colombe.  En  quoy  il  signifie  que  l'angoisse  le  tenoit  tellement  enserre  qu'il  n'avoit  pas  mesme  sa  parole  libre  pour  exprimer  ses  passions.  Si  un  homme  crie  et  se  lamente,  et  qu'il  face  ses  queremonies,  et  qu'il  declare  son  mal,  desia  il  faut  dire  qu'il  est  fort  presse:  mais  quand  l'homme  est  tellement  abbatu,  qu'il  ne  peut  pas  declarer  ce  qu'il  luy  faut,  qu'il  barbotte  en  soy,  qu'il  ne  peut  arracher  un  seul  mot  pour  monstrer  combien  sa  passion  est  vehemente,  qu'il  souspire,  qu'il  dira  un  mot  a  demi,  et  le  reste  sera  retenu  comme  si  on  luy  avoit  serre  le  gosier,  c'est  bien  une  grande  extremite.  Ezechias  donc  dit  qu'il  en  a  este  ainsi.  Or  il  n'y  a  nulle  doute  qu'il  ne  regarde  Dieu  principalement:  comme  s'il  disoit  que  les  hommes  se  sont  assez  apperceus  de  la  tristesse  en  laquelle  il  estoit  detenu,  mais  que  quand  il  a  voulu  former  quelque  requeste  a  Dieu,  il  a  este  comme  muet,  sinon  que  d'un  coste  le  mal  le  pressoit,  et  cependant  il  ne  pouvoit  monstrer  droitement  ce  qu'il  luy  faloit,  en  sorte  qu'il  estoit  la  en  deux  extremitez:  l'une,  qu'il  estoit  tellement  serre  au  dedans,  qu'a  grand'  peine  pouvoit  on  de  luy  arracher  quelque  complainte:  et  d'autre  coste,  qu'il  estoit  presse  de  passions  si  vehementes,  qu'il  ne  scavoit  par  quel  bout  commencer  pour  faire  sa  priere.  Or  on  pourroit  trouver  estrange  qu'Ezechias,  qui  avoit  eu  en  soy  au  paravant  si  grande  vertu,  soit  maintenant  ainsi  defailli,  voire  quasi  aneanti  du  tout:  mais  c'est  d'autant  qu'il  avoit  un  combat  spirituel,  sentant  ses  pechez,  et  cognoissant  que  Dieu  estoit  son  Iuge.  Car  (comme  nous  touchasmes  hier)  ce  mal  ci  surmonte  tous  les  autres.  Il  est  vray  semblable  qu'Ezechias  a  eu  une  douleur  fort  excessive,  de  laquelle  il  estoit  bien  abbatu  :  et  mesmes  on  peut  coniecturer  que  c'estoit  comme  une  peste  ardente.  Voyla  donc  son  mal  qui  est  grand  en  soy:  mais  cela  ne  luy  est  rien  au  pris  de  ceste  apprehension  de  Pire  de  Dieu,  quand  il  regarde  a  ses  fautes,  et  qu'il  cognoist  que  Dieu  est  arme  pour  estre  sa  partie  adverse,  et  que  c'est  luy  qui  le  persecute,  et  c'est  aussi  ce  qui  l'effraye  en  telle