32:542  Comme  en  ce  passage,  apres  qu'il  a  dit,  Vivifiemoy  en  ta  Parole:  il  dit  maintenant,  En  ta  iustice.  Il  fait  aussi  ceste  requeste,  d'estre  conduit  en  la  voye  du  Seigneur,  pour  monstrer  que  ce  n'est  pas  assez  que  nous  ayons  quelque  bonne  affection  en  nous,  mais  qu'il  faut  que  Dieu  nous  l'augmente,  voire  et  qu'il  nous  conduise,  qu'il  nous  vivifie,  comme  il  parle  yci.  Car  tant  s'en  faut  que  de  nous-mesmes  nous  puissions  faire  aucun  bien,  que  nous  ne  pouvons  pas  avoir  une  seule  bonne  pensee,  comme  sainct  Paul  en  parle.  Voyla  donc  comme  David  a  demande  d'estre  vivifie:  mais  c'est  en  protestant  qu'il  estoit  comme  mort  quant,a  luy,  et  a  sa  nature.  Et  ainsi  nous  en  faut-il  faire.  Que  nous  allions  a  nostre  Dieu  comme  estans  morts  en  nous  mesmes,  le  prians  qu'il  nous  vivifie.  Et  quand  il  nous  aura  fait  sentir  sa  grace,  que  nous  soyons  appuyez  la  dessus,  pour  dire:  Seigneur,  puis  qu'il  t'a  pleu  de  commencer  a  nous  bien  faire,  que  tu  parfaces.  Suyvant  c'este  saincte  doctrine  nous-nous  prosternerons  devant  la  face  de  nostre  bon  Dieu,  en  cognoissance  de  nos  fautes.  Le  prians  qu'il  luy  plaise  nous  faire  sentir  les  povretez  qui  sont  en  nous,  et  ausquelles  nous  sommes  adonnez  vivans  en  ce  monde:  afin  de  cheminer  en  telle  crainte  et  solicitude,  qu'on  appercoive  que  nous  avons  receu  quelques  graces  de  nostre  Dieu:  et  que  suyvant  le  droit  chemin  qu'il  nous  monstre,  nous  aspirions  tousiours  de  plus  en  plus  au  but,  lequel  il  nous  propose,  qui  est  de  parvenir  a  ceste  gloire  immortelle,  pour  nous  conioindre  a  nostre  chef  et  capitaine  nostre  Seigneur  Iesus  Christ,  apres  qu'il  nous  aura  despouillez  de  tous  les  vices  et  imperfections  de  nostre  chair,  pour  nous  revestir  de  sa  iustice.  Que  non  seulement  il  nous  face  ceste  grace,  mais  aussi  a  tous  peuples  et  nations  de  la  terre,  etc.  S  I  X  I  E  M  E  SERMON.  Du  Dimanche  12.  iour  de  Fevrier,  1553.  Sixieme  Huictain.  VAV\  Et  que  tes  graces,  Seigneur,  parviennent  a  moy:  et  ton  salut  selon  ta  promesse.  Afin  que  Vaye  que  respondre  a  celuy  qui  me  fait  opprobre:  car  ie  me  fie  en  ta  Parole.  Et  n1  oste  du  tout  de  ma  bouche  parole  de  verite:  car  ie  m'atten  a  tes  iugemens.  Et  ie  garderay  continuellement  ta  Loy,  et  a  tousiours-mais.  Et  ie  cheminer  ay  au  large,  pourtant  que  i'ay  cerche  tes  commandemens.  Et  parleray  de  tes  tesmoignages  devant  les  Rois,  et  ne  seray  point  confus.  Et  me  delecteray  en  tes  commandemens,  lesquels  i'ai  aimes.  Et  esleveray  mes  mains  a  tes  commandemens  que  i'ay  aimes,  et  mediteray  en  tes  statuts.  Le  commencement  de  ce  huictain  contient  une  requeste  que  David  fait  a  Dieu,  qu'il  sente