25:542  a  Sarid  ad  orientem,  id  est,  ad  ortum  solis,  ad  terminum  Chisloththabor,  et  illinc  egreditur  ad  Dobrath,  et  ascendit  in  Iaphia.  13.  Inde  praeterea  transit  ad  orientem,  ad  ortum,  ad  Githah-Hepher,  et  ad  Ihtahcasin:  et  illinc  exit  in  Bimmon,  et  gyrat  ad  Neah:  14.  Gyrat  item  idem  terminus  ab  aquilone  ad  Hannathon  :  suntque  egressus  eius  ad  vallem  Iphthael.  15.  Et  Catthath,  et  Nahalal,  et  Simron,  et  Idalah,  et  Bethlehem:  urbes  duodecim,  et  villae  earum.  16.  Haec  est  haereditas  filiorum  Zabulon  per  familias  suas  :  urbes  istae,  et  villae  earum.  17.  Ipsi  Issachar  egressa  est  sors  quarta,  filiis  inquam  Issachar  per  familias  suas.  18.  Et  fuit  terminus  eorum  Iezrael,  et  Chesuloth,  et  Sunem,  19.  Et  Hapharaim,  et  Sion,  et  Anaharath  20.  Et  Rabbith,  et  Cision,  et  Abeth.  21.  Et  Remeth,  et  Engannin,  et  Enhaddah,  et  Seth-passetk  22.  Et  pervenit  terminus  in  Thabor,  et  Sahasima,  et  Bethsemes:  eruntque  exitus  termini  eorum  ad  Iordanem:  urbes  sedecim,  et  villae  earum.  23.  Haec  est  haereditas  tribus  filiorum  Issachar  per  familias  suas:  urbes  et  villae  earum.  24.  Egressa  est  autem  sors  quinta  tribui  filiorum  Aser  per  familias  suas.  25.  Fuitque  terminus  eorum  Helcath,  et  Hali,  et  Bethen,  et  Achsach,  26.  Et  Alamelech,  et  Amad,  et  Misal  et  pervenit  in  Carmel  ad  mare,  et  in  Sihor  Libnath.  27.  Et  revertitur  ad  ortum  solis  in  Beth  dagon,  et  pervenit  in  Zabulon,  et  in  vallem  Iphtahel  ad  aquilonem  et  in  Beth-emec,  et  Neel:  et  exit  ad  Chabul  a  sinistra,  28.  Et  Ebron,  et  Rehob,  et  Hammon,  et  Canah,  usque  ad  Sidon  magnam:  29.  Revertiturque  terminus  in  Rama,  usque  ad  urbem  munitam  petrae  :  inde  revertitur  terminus  in  Hosah:  suntque  exitus  eius  ad  mare  a  funiculo  Achzib,  30.  Et  Ummah,  et  Aphec,  et  Rehob:  urbes  viginti  duae,  et  villae  earum.  31.  Haec  est  haereditas  tribus  filiorum  Aser  per  familias  suas:  urbes  istae,  et  villae  earum.  10.  Ascendit  autem  sors.  In  sorte  Zabulon  dilucida  est  veritas  vaticinii  Iacob,  qui  praedixerat  habitaturos  esse  circa  littus  maris  (Gen.  49,  13).  Senex,  exsul,  qui  pedem  in  suo  ponere  non  poterat,  inaritinam  regionem  addicebat  soboli  filii  sui  Zabulon.  Quid  magis  ridiculum?  Nunc  autem  ubi  sors  maritimam  regionem  iis  assignat,  non  potuit  clarior  desiderari  illius  sententiae  approbatio:  ac  si  Deus  bis  e  coelo  tonaret.  Non  ergo  littus  sponte,  vel  hominum  suffragio  occupat  tribus  Zabulon,  sed  regio  mari  contigua  divinitus  facta  est  eius  haereditas.  Ita,  quamvis  errarint  homines,  lux  tamen  semper  in  tenebris  fulgida  apparuit.  Longius  progreditur  Iacob,  et  illustre  discrimen  statuit  inter  Zabulon  et  Issachar:  quod  prior  tribus  negotiandi  causa  varie  discurret:  altera  autem  in  suis  tabernaculis  otium  colet  ac  vitam  sedentariam.  Ergo  probabile  est  tractum  maris,  ubi  Zabulon  consedit  fuisse  portuosum,  et  aptum  ad  multiplices  commea-