9:541  541  AD  VERSIPELLEM  MEDIATOREM.  542  gandum?  et  adhuc  Paulum  [pag.  57]  traditionum  praeconem  citabis,  quo  inviolabilis  sit  earum  autoritas!  Alios  antiquos  ritus,  quorum  vestigia  et  lineamenta  apparent,  quamvis  a  suo  fine  et  usu  nonnihil  deflexerint,  pacis  et  unitatis  studio  observandos  existimat,  donec  legitima  autoritate  aut  restituantur  prisco  suo  fini,  aut  ex  usu  removeantur.  Quoniam  astute  quid  velit  dissimulat,  monendi  sunt  lectores,  ad  hanc  classem  referri  omnes  histrionicos  gestus,  qui  simiis  magis  conveniunt  quam  hominibus,  et  vix  in  actione  profana  essent  tolerabiles.  Utcunque  a  fonte  non  vitioso  manarint,  constat  nihil  [pag.  58]  aliud  hodie  esse  quam  sacrorum  inquinamenta.  Pax  igitur  tua,  nugator,  cuius  studio  quaevis  pietatis  ludibria  obtegis,  quando  ter  proditoria  est,  a  nobis  procul  facessat.  Quod  ritus  quosdam  antiquissimos,  qui  religiose  olim  fuerunt  observati,  et  paulatim  obsoleverunt,  rursus  in  usum  restitui  cupit  per  legitimam  autoritatem,  et  quam  minima  fieri  possit  perturbatione,  si  palam  fecisset  de  quibus  loquatur,  signum  aliquod  ingenuitatis  dedisset.  Usum  calicis  in  sacra  coena  populo,  cui  indigne  ereptus  est,  reddi  non  modo  rectum  foret,  sed  omnino  necessarium.  Nec  dubito  quin  [pag.  59]  hoc  inserendo  ')  favorem  captaverit.  Sed  quam  dilute  restitutionem  hanc  procurat?  Dimidia  tantum  coenae  pars  residua  est  in  papatu.  Haec  laceratio,  an  ad  momentum  ferenda  esset?  Et  qui  licet  vel  ad  momentum  discerpere  quae  Christus  individuo  nexu  coniunxit?  Nugator  a  putidi  cleri  nutu  pendere  nos  iubet,  et  quasi  in  re  levicula  cavere  omnem  perturbationem.  Sed  minime  obscurum  est,  quin  eadem  qua  prius  malitia,  species  omnes  subticens,  nova  onerum  mole  opprimere  tentet  miseras  animas.  Quantum  ad  ritus  particulares,  vigeat  sane  Augustini  sententia:  [pag.  60]  ut  singulis  ecclesiis  liberum  sit  morem  suum  tenere  :  imo  interdum  utile  est,  ne  externis  caeremoniis  alligetur  religio,  aliquid  esse  varietatis:  modo  absit  aemulatio,  nec  ulii  ab  aliis  novitate  illecti  diversum  aliquid  habere  affectent.  Quanquam  ut  intelligant  lectores  sincerum  nihil  ab  hoc  homine  prodire,  memoria  teneant,  longe  aliam  fuisse  temporis  illius  rationem  ac  nostri,  ex  quo  turmatim  innumera  superstitionum  congeries  ad  obruendum  Dei  cultum  exundavit.  Expendere,  etiam  convenit  quid  valeat,  neque  contra  fidem,  neque  contra  bonos  mores  iniungi.  Nam  quum  velit  Deus  [pag.  61]  ex  praescripto  legis  suae  coli,  ac  proinde  fictitios  cultus  detestetur,  fidei  certe  repugnat,  quidquam  eius  mandatis  addi  hominum  arbitrio  :  nec  bonis  moribus  consentaneae  sunt  ludicrae  ineptiae,  quibus  tota  religio  foedata  est  in  papatu.  Si  qui  ritus  per  se  boni  sint  ac  utiles,  errorem  qui  1)  tite  pi  triceps  et  Gallus  (eutrelacant)  Beza  emendarit:  inferendo.