6:541  Plusieurs  me  demandent  souventes  fois,  comment  ilz  se  doivent  gouverner  au  milieu  des  papistes;  la  ou  il  n'est  pas  licite  d'adorer  Dieu  purement,  et  ou  chascun  est  contrainct  d'user  de  beaucoup  de  ceremonies,  lesquelles  ont  este  forgees  contre  la  parolle  de  Dieu,  et  sont  pleines  de  superstition.  Or  il  ne  seroit  pas  ≪fort  difficile  leur  respondre  de  ceste  matiere,  et  leur  en  definir  simplement  ce  qui  en  est,  1)  si  ce  poinct  estoit  pleinement  resolu  en  leurs  cueurs,  de  suyvre  entierement  et  sans  contredict,  tout  ce  que  Dieu  leur  monstre.  Mais  ie  ne  scay  comment  la  pluspart  des  hommes,  apres  avoir  congneu  une  chose  desplaire  a  Dieu,  se  donnent  neantmoins  conge  d'aller  a  l'encontre  de  sa  defense.  Et  mesme  i'en  ay  veu  cent,  sans  le  premier,  qui  nous  demandoyent2)  conseil  sur  cest  affaire,  tout  ainsi  que  Balaam  faisoit  de  Dieu,  voulant  aller  par  devers  le  Roy  Balaac.  Car  il  scavoit  [page  4]  bien  que  c'estoit  contre  la  volunte  de  Dieu,  qu'il  entreprint  le  voyage:  mais  si  ne  laissoit-il  pas  d'en  demander  licence.  Pareillement  ceux  cy  estans  presque  -convaincus  en  leur  conscience  que  c'est  mal  faict  de  se  prosterner  devant  les  idoles,  s'enquierent  et  interroguent  de  ce  qu'ilz  doivent  faire,  non  pas  pour  assubiectir  leur  affection  a  Dieu,  en  acquiessant  a  sa  parolle:  mais  affin  qu'on  leur  lasche  la  bride,  et  que  ayant  response  selon  leur  desir,  ilz  se  reposent  en  leur  vice  par  vaine  flaterie.  Brief,  comme  dict  le  Prophete  Ezechiel,  ilz  cherchent  qu'on  leur  face  des  coussins  pour  endormir  leurs  consciences:  et  qu'on  leur  face  a  croire  qu'ilz  vivent,  la  ou  ilz  sont  en  la  mort.  Toutesfois  pource  que  nostre  office  est,  de  rendre  purement  tesmoignage  a  la  verite:  ie  ne  puis  dissimuler  ne  reculer,  que  ie  ne  dise  ce  que  ie  pense  des  choses  qui  sont  utiles  a  congnoistre,  mesme  quand  i'en  suis  requis.  Mais  puis  que  toute  la  difficulte  procede  [page  5]  de  la,  que  nous  regardons  tousiours  plustost  de  nous  entretenir  en  la  grace  du  monde,  que  de  plaire  a  Dieu,  i'exhorte  un  chascun  fidele  au  nom  du  Seigj