5:541  ACTES  DE  RATISBONNE.  par  lequel  l'n  notion  invisible  et  interieure  du  8.  Esprit,  fust  denotee,  en  ceux  lesquelz  avoient  faict  profession  de  la  foy  de  Christ,  apres  le  Baptesme,  ainsi  que  les  peres  tesmoignent.  Donc  la  vertu  de  ce  Sacrement  est,  que  ceux  qui  sont  confirmez  par  ce  signe  avec  fiance  de  la  parolle  et  grace  de  Christ,  tout  ainsi  qu'aux  aultres  Sacremens  entendent  et  croyent,  qu'ilz  receoivent  le  S.  Esprit,  par  lequel  seul  ilz  puissent  s'avancer  en  la  voye  de  salut  et  en  icelle  perseverer,  et  vaillamment  resister  aux  tentations  et  embusches  de  la  chair,  du  monde  et  du  Diable.  Et  puis  que  tous  sont  baptizez  en  leurs  enfances,  et  que  par  eux  mesmes  ils  ne  declarent  point  au  Baptesme  la  profession  de  foy:  il  sera  convenable  que  les  enfans  catechisez  et  instituez  de  la  Religion  Chrestienne  soient  presentez  a  recevoir  le  Sacrement  de  confirmation,  et  a  declarer  par  leur  propre  bouche  la  foy  dc  Christ,  et  l'obeissance  de  l'Eglise:  selon  l'ordonnance,  qui  a  este  faicte  au  Concile  d'Orleans.*)  En  telle  sorte  toutesfoys,  que  par  ce,  la  coustume  observee  aux  aultres  Eglises  n'est  point  a  condamner,  iusques  a  ce  que  sur  ce  point  la  constitution  soit  faicte  au  Concile  general.  Du  Sacrement  cFEucliaristie.l)  Le  Sacrement  d'Eucharistie  a  la  promesse,  qui  est  la  parolle  toute  puissante  de  Christ:  par  la  vertu  de  laquelle  ce  Sacrement  est  parfaict:  et  par  laquelle  aussi  advient,  que  ?챥res  la  consecration,  le  vray  corps  et  le  vray  sang  du  Seigneur  vrayement  et  substantiellement,  [fol.  35]  sont  presens,  et  qu'ilz  sont  distribuez  aux  fideles  soubz  l'espece  de  pain  et  de  vin:  c'est  a  dire,  entant  qu'iceux  sont  transmuez  et  transsubstantiez  au  corps  et  au  sang  de  nostre  Seigneur:  laquelle  parolle  est  telle:  Prenez  et  mangez  tous  de  cecy.  C'est  mon  corps  qui  sera  livre  pour  vous.  Et  du  calice:  Beuvez  tous  de  cestuy.  C'est  cy  le  sang  du  nouveau  Testament,  lequel  sera  espandu  pour  plusieurs  en  remission  des  pechez.  Or  l'element  est  pain  et  vin,  esquelz,  quand  la  promesse  est  adioincte,  est  faict  le  Sacrement.  Car  ce  Sacrement  est  parfaict  en  deux  choses,  c'est  assavoir  par  l'espece  visible,  des  elemens;  et  par  la  chair  et  sang  invisible  de  nostre  Seigneur  Iesus  Christ:  esquelz,  par  ce  Sacrement  nous  participons  vrayement  et  realement.  La  vertu  de  ce  Sacrement  est,  que  par  la  chair  vivifiante  de  nostre  Sauveur  Iesus  Christ,  nous  1)  Ca.  3.  de  consec,  dist.  5.  cap.  5.  leiun.  2)  Note  margmale:  Les  Protestans  ont  sur  ce  poinct  presente  leur  article,  signe  B.