40:541  541  IN  DANIELEM.  CAP.  I.  542  silium  regis:  sed  videbimus,  ut  Deus  et  Danielem  et  eius  socios  spiritu  suo  gubernaverit,  quo  caverent  sibi  ab  istis  diaboli  insidiis,  et  abstinerent  etiam  a  cibo  et  potu  regio,  ne  se  polluerent.  Sed  haec  suo  loco  postea  dicentur.  Nunc  tantum  agimus  de  ipsius  regis  astutia.  Iussit  ergo  illis  distribui  unoquoque  die  ex  potu  suo  et  ex  cibo:  non  parcimoniae  causa  singulis  diebus  portio  data  fuit  illis,  sed  quia  rex  volebat  perinde  illis  parari  cibum,  atque  sibi  et  aliis  proceribus.  Addit  ut  educarentur  tribus  annis:  nempe  donec  probe  formati  essent  in  scientia  chaldaica:  deinde  donec  etiam  linguae  periti  essent.  Potuit  autem  sufficere  triennium  ad  utrumque,  quia  iam  elegerat  sibi  pueros  ingeniosos,  et  qui  facile  et  linguas  et  scientias  discerent.  Quum  ergo  praediti  essent  tanta  facultate,  non  mirum  est  quod  trium  annorum  spatium  illis  praescriptum  a  rege  fuerit.  Tandem,  inquit,  ut  a  fine  Morum,  nempe  trium  annorum.  Diximus  hoc  non  debere  referri  ad  pueros,  quasi  rex  postea  ex  illis  quosdam  delegerit.  Nam  videbimus  suo  loco  fuisse  praefixum  certum  tempus.  Ergo  non  opus  est  longa  refutatione.  Nam  illud  certum  est,  de  extremitate  trium  annorum  prophetam  loqui.  Dictum  fuerat  paulo  ante  ut  starent  in  palatio:  sed  hoc  etiam  intelligi  debet  de  hoc  tempore,  cuius  nunc  fit  mentio.  Non  igitur  statim  -apparuerunt  coram  rege,  sed  destinati  erant  in  hunc  finem.  Quum  ergo  rex  iussisset  eos  ali,  ut  eorum  ministerio  postea  uteretur,  bis  idem  repetit  Daniel  nempe  ita  fuisse  splendide  educatos,  quoniam  rex  volebat  illos  sibi  ministros  habere  in  mensa  et  aliis  officiis.  Iam  sequitur,  6.  Et  fuit  in  illis  ex  filiis  Iehudah  Daniel,  Hananiah,  Misael  et  Azariah.  7.  Et  imposuit  illis  princeps  eunuchorum  (hoc  est,  magister  eunuchorum)  nomina:  imposuit,  inquam,  Danieli  Baltazar,  et  Hananiae  Sadrak,  et  Misael  Mesach,  et  Azariae  Abednego.  Iam  descendit  propheta  ad  id  quod  proprie  convenit  instituto.  Neque  enim  proposuit  historiam  narrare,  sed  breviter  attigit  quod  necessarium  erat,  ut  sciremus  quomodo  Deus  illum  sibi  aptaverit,  ut  postea  iniungeret  propheticum  munus.  Postquam  ergo  narravit  fuisse  adductos  ex  semine  regio,  et  ex  semine  procerum  qui  ingenio,  et  dexteritate,  et  facundia  pollerent,  et  vigerent  etiam  corpore:  iam  adiungit  se  et  socios  fuisse  in  illorum  numero.  Alios  omittit,  quia  in  illis  nihil  exstitit  memoratu  dignum.  Et  (quemadmodum  iam  dixi)  quod  hactenus  retulit  fuit  quasi  parergon.  Nunc  ergo  notandum  est  nobis  consilium  prophetae,  quod  scilicet  ipse  cum  tribus  sociis  abductus  fuerit  in  exsilium,  et  educatus  fuerit  in  aula  regis  Nebuchadnezer  more  regio,  et  sumptuose,  ut  postea  unus  esset  ex  praefectis,  socii  etiam