32:541  541  SUR  LE  PSEAUME  CXIX.  542  ascavoir,  qu'il  soit  garde  de  Dieu,  et  guide  comme  par  sa  main,  afin  qu'il  persevere  comme  il  avoit  commence  en  bien.  Or  l'opprobre  qu'ont  a  craindre  les  fideles,  c'est  que  Dieu  ne  les  rende  confusibles:  que  quand  ils  auront  bien  chemine  pour  quelque  temps,  qu'en  la  fin  ils  se  desbauchent  :  que  leur  vie  derniere  monstre  qu'il  n'y  avoit  de  bonne  racine  au  dedans,  mais  que  ce  n'estoit  que  feintise.  Voyla  l'opprobre  qu'a  craint  David,  c'est  ascavoir,  qu'apres  avoir  bien  chemine,  Dieu  ne  le  laissast  Ja  comme  un  homme  confus.  Et  notamment  il  dit,  car  tes  ordonnances  sont  bonnes.  Comme  s'il  disoit,  Helas!  Seigneur,  moyennant  que  ie  suyve  ce  que  tu  m'as  commande,  encores  que  les  hommes  mesdisent  de  moy,  qu'ils  en  detractent,  c'est  tout  un,  quand  i'auray  une  bonne  conscience  et  pure,  et  que  tu  sois  mon  garent  et  mon  tesmoin,  il  me  suffit:  Voyci  donc,  Seigneur,  l'opprobre  duquel  ie  demande  estre  delivre,  ascavoir,  que  tu  ne  permettes  point  que  ie  soye  desbauche,  que  le  me  destourne  Oe  tes  commandemens:  mais  que  ma  vie  soit  conforme  a  ta  Parole:  o  il  me  suffit:  que  les  hommes  parlent  ainsi  qu'ils  voudront,  leur  iugement  est  faux,  i'en  appelle.  Or  pour  conclurre,  il  dit,  Vay  desire  tes  commandemens,  vivifie-moy  par  ta  iustice.  La  iustice  de  Dieu  souventes  fois  est  prinse  pour  la  grace  dont  use  Dieu  envers  les  siens,  ou  pour  les  moyens  qu'il  a  de  les  conduire.  Mais  il  met  yci  iustice  pour  Droiture,  pour  Equite.  Il  avoit  dit  auparavant,  Vivifie-moy  selon  ta  Parole.  Or  maintenant  il  y  a  iustice.  Et  il  ne  nous  faut  point  trouver  cela  estrange:  car  nous  avons  declaire  par  cy  devant,  que  David  parlant  des  commandemens  de  Dieu,  apres  avoir  use  d'un  terme  comme  de  ces  mots  d'ordonnances,  de  statuts,  il  en  prend  d'autres.