35:540  benediction:  il  faut  donc  maintenant  que  ie  m'attribue  le  tout.  Or  combien  qu'il  soit  yci  parle  d'un  seul  homme,  tant  y  a  que  nous  avons  une  bonne  admonition  de  la  brievete  de  nostre  vie.  Vray  est  que  c'est  une  chose  assez  cognue,  mais  nous  y  pensons  tresmal:  car  apres  avoir  confesse  que  ce  n'est  qu'un  ombrage  que  la  vie  presente,  nous  y  sommes  tant  enveloppez,  que  chacun  ne  pense  sinon  comment  ii  se  pourvoira  iusques  a  cent  ans.  Brief,  il  semble  que  nous  ne  devions  iamais  partir  d'yci,  tant  nous  sommes  occupez  en  ce  qui  appartient  au  monde.  D'autant  plus  donc  nous  faut-il  reduire  en  memoire  ce  que  l'Escriture  nous  monstre  de  la  fragilite  de  nostre  vie:  comme  S.  Paul  aussi  dit  que  maintenant  nous  sommes  logez  sous  une  cahuette.  Le  corps  de  l'homme  n'est  pas  une  maison  qui  merite  d'estre  appelee  ne  bastiment  ni  edifice:  car  il  n'y  a  rien  que  caduque.  Ainsi  donc  gemissons,  attendans  que  nous  soyons  pleinement  restaurez:  et  ne  soyons  pas  tellement  retenus  en  ce  monde  que  tousiours  nous  ne  marchions  en  avant.  Car  les  incredules,  quoy  qu'il  en  soit,  viendront  a  leur  fin:  mais  cependant  ils  n'approchent  nullement  de  Dieu,  plustost  ils  sont  arrestez  en  ce  monde,  et  au  lieu  de  marcher  ils  se  plongont  tousiours  plus  profond.  Apprenons  donc  de  marcher,  c'est  a  dire  d'estre  tellement  disposez  a  suyvre  quand  Dieu  nous  appelle,  que  iamais  la  mort  ne  viene  devant  son  temps.  Quant  a  ce  qu'Ezechias  dit  qu'il  a  este  cause  de  sou  mal,  pratiquons  aussi  bien  ceste  doctrine,  toutes  fois  et  quantes  qu'il  plaira  a  Dieu  de  nous  affliger.  Nous  voyons  que  nous  sommes  addonnez  a  murmures:  et  encore  que  nous  soyons  conveincus  de  nos  fautes,  nous  ne  laissons  pas  de  nous  fascher,  comme  si  Dieu  passoit  mesure.  Ainsi  pour  confesser  avec  une  vraye  humilite  que  Dieu  nous  punit  iustement  en  toutes  les  afflictions  qu'il  nous  envoye,  que  nous  parlions  a  la  facon  d'Ezechias:  Ce  suis-ie  qui  ay  cause  tout  ce  mal-ci.  Il  est  vray  que  tantost  il  attribue  cela  a  Dieu,  mais  les  deux  s'accordent  tresbien,  c'est  assavoir  que  l'homme  soit  autheur  de  toutes  les  miseres  qu'il  endure,  et  que  cependant  Dieu  besogne  comme  Iuge.  Car  quand  un  malfaiteur  sera  puni,  il  ne  faut  point  qu'il  se  plaigne  de  son  iuge:  mais  d'autant  qu'il  veoit  que  luy-mesme  a  offense  contre  les  loix,  il  se  condamne.  Et  puis  il  cognoist  que  Dieu  aussi  par  l'authorite  de  iustice  l'ameine  a  iuste  chastiment.  Ainsi  nous  en  faut-il  faire,  c'est  assavoir  qu'en  premier  nous  cognoissons  que  si  Dieu  nons  afflige,  ce  n'est  pas  qu'il  prene  plaisir  a  nous  tormenter,  mais  qu'il  faut  qu'il  nous  paye  selon  que  nous  l'avons  desservi,  combien  qu'encores  il  n'ait  point  du  tout  esgard  a  nos  offenses:  car  que  seroit-ce?  nous  serions  cent  mille  fois  abismez,  s'il  vouloit  user  de  rigueur  en-