[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


25:540  redactam  fuisse  in  angustos  limites,  quia  tantum  viginti  sex  urbes  obtinuit:  fuit  tamen  id  per  se  honorificum,  ante  alias  tribus  nobiliores  haereditatem  accipere.  Adde  quod  hoc  modo  coniuncti  ac  finitimi  fuerunt  reliquis  filiis  Ioseph,  quibuscum  propinquior  illis  erat  cognatio.  Fuerunt  enim  medii  inter  Ephraim  et  Manasse  ab  una  parte,  et  inter  tribum  Iuda,  ab  altera.  Fuit  etiam  eximius  honor,  quod  inter  alias  urbes,  Ierusalem  illis  obtigit,  ut  postea  filiis  Iuda  quasi  precario  sedem  regiam  concederent.  Porro,  quum  stationem  adeo  tranquillam  nacti  essent,  mirum  est  humaniter  cum  vicinis  placidam  vitam  non  coluisse.  Atqui  tenemus  vaticinium  Iacob  (Gen.  49,  27),  Beniamin  lupus  rapax,  mane  rapiet  praedam,  vespere  dividet  spolia.  Ergo  vel  natura  nimis  cupidos,  et  tumultuosos  fuisse  oportet:  vel  necessitate  hodie  nobis  incognita  ad  praedandum  fuisse  impulsos.  Quantum  attinet  ad  urbem  Luz,  ideo  additur  alterum  nomen,  ipsa  est  Bethel,  quia  tum  demum  nomen  inditum  a  patriarcha  Iacob  usu  et  consuetudine  obtinuit  (Gen.  28,  19).  Nom  procul  aberat  Beth-Aven,  cuius  nomen  quod  probrosum  erat  et  infame,  ad  ipsam  Beth-el  translatum  fuit,  ex  quo  impiis  superstitionibus  fuit  corrupta  et  polluta.  Ciriath-Baal  dictam  fuisse  Ciriath-Ieharim  probabile  est,  ut  e  medio  tollerent  nomen  idoli,  quod  fuisset  verae  pietatis  macula.  Et  certe  turpe  ac  pudendum  fuisset,  patronum  qui  Deo  unico  adversus  erat,  populi  ore  celebrari.  CAPUT  XIX.  1.  Egressa  est  autem  sors  secunda  ipsi  Simeon,  tribui  filiorum  Simeon  per  familias  suas:  et  fuit  haereditas  eorum  in  medio  haereditatis  filiorum  Iehuda.  2.  Fuitque  eis  in  haereditate  eorum  Beerseba,  et  Seba,  et  Moladah,  3.  Et  Hasarsual,  et  Balah,  et  Asen,  4.  Et  Eltholad,  et  Bethul,  et  Hormah,  5.  Et  Siclag,  et  Beth-Marcaboth,  et  Hasarsusa.  6.  Et  Beth-Lebaoth,  et  Saruhen:  urbes  tredecim,  et  villae  earum.  7.  Ain,  Bimmon,  et  Ether,  et  Asan:  urbes  quatuor,  et  vUlae  earum.  8.  Et  omnes  villae  quae  erant  per  circuitus  urbium  istarum  usque  ad  Baalath-beer,  Bamath  australem.  Ista  est  haereditas  tribus  filiorum  Simeon  per  familias  suas.  9.  De  portione  filiorum  Iehuda  facta  fuit  haereditas  filiorum  Simeon:  erat  enim  portio  filiorum  Iehuda  maior  ipsis,  itaque  haereditatem  acceperunt  filii  Simeon  in  medio  haereditatis  eorum.  Proxime  sequuta  est  sors  tribus  Simeon  non  tam  honoris  causa,  quam  in  notam  ignominiae.  Pronunciaverat  Iacob  de  Simeon  et  Levi:  Dispergam  eos  ac  disiiciam.  Poena  quidem  Levi  non  solum  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci