9:54  tus?  Iterum  repetam,  si  quid  erroris  continet  nostra  confessio,  nuda  est  atque  aperta:  cur  non  eam  recta  impetit  Westphalus,  nisi  ut  fumo  claram  lucem  obscuret?  Huius  rei  praemonitos  volui  lectores,  ne  cui  obscurum  esset,  quanta  me  necessitas  compulerit  ad  Consensus  nostri  defensionem,  quem  hic  importunus  zelotes,  nulla  adductus  [pag.  16]  iusta  ratione,  labefactare  tentavit.  Et  tamen  nunc  excusat,  contra  falsam  meam  criminationem,  se  honoris  sui  patrocinium  et  iustae  causae  suscipere.  Imo,  quo  libellum  ^uum  venditet  apud  imperitos,  hunc  ei  titulum  inscripsit.  l)  Sed  quid,  si  excipiam  (quod  certe  mihi  promptum  est,  ac  me  quoque  tacente  res  ostendit)  non  alio  spectasso  meum  libellum  (quem  criminationis  nomine  ridicule  infamat)  quam  ut  etus  calumnias  diluerem?  Vehementer  quidem,  nec  sine  gravi  invidia,  si  quis  subesset  color,  de  mea  maledicentia  conqueritur:  sed  mihi  ad  refutationem  hoc  unum  sufficit,  quod  ex  eius  intemperie  iudicium  facient  aequi  lectores,  quam  clementer  ei  pepercerim.  Libello,  fateor,  salis  aliquid  aspersi:  nempe  quia  eum,  qui  se  iactat  evangelii  praeconem,  mihi  dolebat  tam  esse  insipidum.  Nunc  dum  morbo  incurabili  mederi  studeo,  operam  me  video  lusisse.  Sed  ubinam  est  illa  tam  amarulenta  et  proterva  insectatio?  Nam  quidquid  conviciorum  fingi  potest,  in  paucas  paginas  a  me  congestum  esse  mentiri  non  pudet,  quum  longe  plus  illic  sincerae  doctrinae  citra  ullam  contentionem  [pag.  17]  sim  complexus,  quam  ipse  eiusque  similes  longis  voluminibus  soleant.  Triplo,  ut  minimum,  longior  est  eius  responsio.  Quam  scite  vel  erudite  in  ea  disserat,  nondum  attingo:  tantum  seligant  lectores  quidquid  illie  exstabit,  sedatae  doctrinae:  vix  ad  decimam  eius  summae  partem  accedet,  quae  apud  me  in  brevissimo  compendio  reperta  fuerit.  Eodem  pudore  nuper  quidam  eius  sodalis,  sub  persona  somniatoris  ludens,  inter  alia  nugari  ausus  est,  meum  in  Genesim  commentarium,  atrocibus  in  Lutherum  conviciis  refertum  esse:  ubi  tamen  vel  reverentiae  causa  plus  centies  ab  eius  nomine  abstineo:  et  sicubi  attingo,  tam  procul  abest  reprehensio  ab  omni  contumelia,  ut  hoc  mihi  apud  sanos  omnes  et  pios  lectores  officium  laudi  fore  confidam,  quod  non  minus  honorifice  illum  tractavi,  quam  praeclaro  Christi  servo  dignum  erat.  Hoc  primum  crimine  Westphalus  me  in  odium  trahere  conatur,  quod  petulanter  in  eum  omni  probrorum  genere  debacchatus  sim.  Ego  vero  lectores  tantum  rogatos  volo,  ut  quid  meritus  sit  ipse,  expendant:  deinde  quanto  asperius  eum  tractare  mihi  promptum  fuerit:  atque  inde  statuant,  1)  Adversus  cuiusdam  Sacramentarii  falsam  criminationem  iusta  defensio  Ioachimi  Westphali,  caeli.  Vide  Proiegomena.  4*