7:54  que  c'est  qu'ilz  veulent  dire,  et  aussi  ne  s'entendent-  ilz  pas:  sinon  qu'ilz  ont  bien  ceste  astuce,  de  couvrir  par  ce  moyen  la  turpitude  de  leur  doctrine.  Car  leurs  principes  sont  de  confondre  toute  difference  de  bien  et  de  mal:  de  mesler  Dieu  avec  le  Diable,  tellement,  qu'on  ne  sache  discerner  entre  l'un  et  l'autre,  et  de  rendre  les  hommes  non  seulement  stupides  devant  Dieu  en  leurs  consciences:  [page  ll]  mais  aussi  effrontes  devant  le  monde.  Voila  donc  pourquoy  ilz  se  cachent  en  ces  cavernes  de  parolles  obscures  et  douteuses:  afin  qu'on  n'appercoyve  pas  leur  villainie,  pour  les  avoir  en  horreur  et  execration.  Comme  de  faict  le  sens  humain  repugne  a  ces  monstres  qu'ilz  mettent  en  avant.  Ainsi  pour  escrire  en  somme  contre  les  erreurs  des  Anabaptistes,  le  plus  court  et  le  plus  expedient  est  de  tenir  ceste  division:  et  de  recueillir  a  part  en  un  traicte  les  erreurs  de  ceux  qui  ne  sont  pas  du  tout  si  enragez  et  desesperez:  en  un  autre  descouvrir  la  malice  venimeuse  de  ces  malheureux,  qui  soubz  couleur  de  spiritualite,  veulent  faire  les  hommes  semblables  aux  bestes  brutes.  Or  est-il  bien  vray,  qu'encore  ceux  de  la  premiere  secte  ne  sont  pas  si  accordans  ensemble,  qu'on  puisse  aisement  faire  un  recueil  de  leurs  erreurs,  pour  les  reprouver  par  certain  ordre.  Mais  pource  que  les  principaux  docteurs,  et  comme  les  patriarches  de  toute  la  Synagogue,  apres  avoir  bien  ravaude,  ont  faict  une  conclusion  finale,  ou  ilz  ont  enclos  la  somme  de  ce  qu'ilz  tiennent  aucontraire,  tant  de  nous,  que  des  Papistes,  en  sept  articles,  ausquelz  tous  Anabaptistes  adherent  communement:  et  aussi  qu'ilz  ont  trouve  moyen  de  faire  imprimer  ceste  belle  [page  12]  resolution  qu'ilz  ont  prins  ensemble,  pour  semer  leur  poison  par  tout,  et  insecter  le  povre  peuple:  ie  me  contenteray  pour  le  present,  et  me  semble  aussi  qu'il  suffira,  de  remonstrer  la  faulsete  contenue  en  la  pluspart  de  ces  sept  articles:  afin  qu'ilz  ne  se  plaignent  pas,  que  ie  leur  impose  a  tous  la  faute  d'aucuns  particuliers,  pour  diffamer  4*