58:54  sommes  conviez  du  Fils  de  Dieu,  et  non  pas  seulement  deux  ou  trois,  mais  tous  en  general:  car  il  dit,  Venez,  vous  tous  qui  estes  chargez,  et  cependant,  en  l'autre  passage  il  dit,  Nul  ne  peut  venir  a.  moy,  sinon  qu'il  m'ait  este  donne  de  mon  Pere.  Nul  donc  ne  peut  venir  a  Iesus  Christ,  sinon  qu'il  y  ait  este  attire  du  Pere  celeste.  Il  semble  que  cela  soit  contraire,  voire  qui  en  voudroit  iuger  selon  le  sens  humain,  de  dire  que  Iesus  Christ  nous  convie  tous  a  soy:  et  puis  qu'il  adiouste,  Que  nul  ne  peut  venir  a  lui,  sinon  qu'il  y  soit  attire  par  le  Pere.  Ouy:  mais  (comme  i'ay  desia  dit)  quand  Dieu  en  general  nous  presente  le  salut  en  son  Fils  unique,  c'est  pour  rendre  les  reprouvez  tant  plus  inexcusables  de  leur  ingratitude,  d'autant  qu'ils  ont  mesprise  un  tel  bien:  cependant  les  eleus  sont  touchez,  et  Dieu  ne  parle  point  seulement  par  dehors  a  eux,  mais  il  parle  aussi  au  dedans.  Et  voila  pourquoy  aussi  en  l'autre  passage  nostre  Seigneur  Iesus  Christ  dit,  Quiconque  a  ouy  de  Dieu  mon  Pere,  celui-la  viendra  a  moy.  Or  comme  i'ay  desia  dit,  quand  l'evangile  se  presche  au  nom  de  Dieu,  c'est  autant  comme  si  luimesme  parloit  en  personne:  et  cependant  tous  ne  vienent  point  a  Iesus  Christ,  il  y  en  a  qui  s'en  reculent  beaucoup  plus  quand  ils  ont  ouy  l'evangile:  car  alors  le  diable  les  enflamme  en  telle  rage,  qu'ils  sont  plus  desbordez  que  iamais,  et  cela  vient  d'autant  qu'il  y  a  double  ouye:  l'une  est  de  la  predication:  car  la  voix  de  l'homme  ne  pourra  pas  entrer  au  coeur  des  auditeurs.  Ie  parle:  mais  il  faut  que  ie  m'escoute  estant  enseigne  par  l'Esprit  de  Dieu:  car  autrement,  la  Parole  qui  procede  ue  ma  bouche,  ne  me  profiteroit  non  plus  qu'a  tous  les  autres,  sinon  qu'il  me  fust  donne  d'enhaut,  et  non  point  de  ma  teste.  Ce  n'est  donc  qu'un  son  qui  s'esvanouit  en  l'air,  que  la  voix  de  l'homme:  et  toutefois  c'est  la  puissance  de  Dieu  en  salut  a  tous  croians,  dit  Sainct  Paul.  Quand  donc  Dieu  parle  a  nous  par  la  bouche  des  hommes,  alors  il  adiouste  la  grace  interieure  de  son  sainct  Esprit,  afin  que  la  doctrine  ne  soit  pas  inutile,  mais  qu'elle  apporte  son  fruit.  Voila  donc  comme  nous  oions  le  Pere  celeste:  c'est  assavoir,  quand  il  parle  a  nous  en  secret  par  son  sainct  Esprit:  et  alors  nous  venons  a  nostre  Seigneur  Iesus  Christ.  Voila  donc  en  somme  ce  que  nous  avons  a  retenir:  C'est,  quand  Dieu  nous  declare  son  election  eternelle,  et  qu'il  nous  a  rendu  tel  tesmoignage,  que  nous  n'en  pouvons  douter:  qu'il  nous  monstre  que  c'est  nostre  bien  et  nostre  salut  :  et  que  moiennant  que  nous  ne  prenions  point  trop  de  licence,  pour  iargonner  a  l'encontre  de  lui,  et  pour  entrer  en  disputes  obliques  et  tortues,  que  le  tout  nous  profitera.  Car  il  est  certain  que  c'est  la  vraie  resiouissance  des  fideles,  d'estre  instruits  de  ceste  election  de  Dieu.  Au  reste,  quand  nous  voions  les  meschans