54:54  qui  nous  est  ici  monstre,  que  d'autant  que  Dieu  nous  a  choisis  devant  que  le  monde  eust  son  cours,  que  nous  devons  attribuer  a  sa  bonte  gratuite  la  cause  de  nostre  salut,  nous  devons  confesser  que  nous  ne  sommes  point  adoptez  de  luy  selon  nos  merites.  Car  nous  n'avions  rien,  et  ne  luy  pouvions  apporter  rien  qui  soit  du  nostre.  Il  faut  donc  que  nous  mettions  la  cause  et  la  source  de  nostre  salut  en  luy  seul,  et  que  nous  soyons  fondez  la  dessus,  ou  autrement  il  n'y  aura  que  confusion  en  tout  ce  que  nous  pourrons  bastir.  Mais  cependant  nous  devons  bien  aussi  observer  ce  que  sainct  Paul  conioint  ici.  Premierement  la  grace  de  Iesus  Christ  avec  le  conseil  eternel  de  Dieu  son  Pere:  et  puis  qu'il  nous  ramene  a  nostre  vocation,  afin  que  nous  soyons  asseurez  de  la  bonte  de  Dieu,  et  de  sa  volonte  qui  nous  estoit  cachee,  sinon  que  nous  en  eussions  tesmoignage.  En  premier  lieu  donc  sainct  Paul  dit  que  la  grace  qui  depend  du  seul  propos  de  Dieu,  et  y  est  comprise,  nous  est  donnee  en  nostre  Seigneur  Iesus:  comme  s'il  disoit,  D'autant  que  nous  meritions  d'estre  reiettez  et  hays  comme  ennemis  mortels  de  Dieu,  il  a  falu  que  nous  ayons  este  comme  entez  en  Iesus  Christ,  afin  que  Dieu  nous  recognust  et  avouast  pour  ses  enfans.  Cependant  que  Dieu  a  le  regard  sur  nous  il  faut  qu'il  nous  deteste,  pource  qu'il  n'y  a  que  povreto  en  nous,  et  que  nous  sommes  pleins  de  peche,  et  comme  farcis  de  toute  iniquite.  Dieu  qui  est  la  iustice  souveraine  ne  peut  avoit  nulle  convenance  ni  accord  avec  nous,  cependant  qu'il  contemple  nostre  nature.  Quand  donc  il  nous  a  voulu  adopter  devant  la  creation  du  monde,  il  a  falu  que  Iesus  Christ  fust  la  comme  entre-deux,  et  que  nous  fussions  eleus  en  sa  personne,  car  c'est  le  Fils  bien-aime:  et  quand  Dieu  nous  conioint  a  luy,  il  fait  que  nous  luy  soyons  agreables.  Apprenons  donc  pour  bien  estre  certifiez  de  l'election  de  Dieu  et  en  faire  nostre  profit,  de  venir  droit  a  Iesus  Christ,  car  c'est  le  vray  miroir  ou  il  nous  faut  regarder  nostre  election.  Si  Iesus  Christ  nous  est  oste,  voila  Dieu  qui  est  iuge  pour  les  pecheurs.  Nous  ne  pouvons  donc  esperer  de  luy  aucun  bien  ni  faveur,  mais  plustost  il  nous  faut  attendre  toute  vengeance:  sa  maieste  aussi  nous  sera  tousiours  espouvantable  sans  Iesus  Christ:  si  on  nous  parle  de  son  propos  eternel,  ii  faudra  que  nous  soyons  effrayez,  comme  si  desia  il  estoit  appreste  pour  nous  abysmer.  Mais  quand  nous  cognoissons  qu'en  Iesus  Christ  reside  tout  grace,  alors  nous  pouvons  nous  certifier  que  Dieu  nous  a  aimez,  combien  que  nous  n'en  fussions  pas  dignes.  Voila  pour  un  item  de  ce  que  sainct  Paul  met  ici.  Or  en  second  lieu  il  nous  faut  observer  qu'il  ne  parle  pas  simplement  de  Pelection  de  Dieu:  car  cela  ne  seroit  pas  pour  nous  bien  resoudre,  plustost  il  nous  faudroit  demeu-  53