51:54  ce  que  desia  il  a  dit,  c'est  a  scavoir  que  si  nostre  vie  est  d'estre  gouvernez  par  l'Esprit  de  Dieu,  que  c'est  la  ou  il  nous  faut  travailler  a  bon  escient,  et  non  pas  en  des  choses  frivoles,  et  qui  ne  viennent  ni  en  conte  ni  en  recepte  devant  Dieu:  comme  desia  nous  avons  declare  que  ceux  qui  veulent  estre  les  plus  devots,  n'ont  ne  fin  ne  cesse  en  leurs  superstitions:  et  quand  ce  vient  au  soir,  il  leur  semble  que  Dieu  leur  est  bien  oblige  de  ce  qu'ils  ont  tant  tracasse:  cependant  toutesfois  ce  n'est  que  peine  perdue.  Et  voila  pourquoy  sainct  Paul  nous  dit  que  si  nous  cognoissons  (comme  la  verite  est)  que  nostre  vie  est  spirituelle,  et  comme  Dieu  est  Esprit,  qu'aussi  il  veut  estre  servi  de  nous  en  rondeur,  et  qu'on  ne  s'amuse  point  a  ces  menus  fatras,  qui  sont  comme  choses  pueriles:  mais  qu'il  veut  que  nous  ayons  loyaute,  amour,  paix,  concorde  de  l'un  a  l'autre,  qu'il  n'y  ait  point  de  fraudes,  ni  de  malice,  ni  de  rapines.  Si  donc  nous  cognoissons  cela,  que  la  vie  que  Dieu  approuve,  et  par  laquelle  nous  sommes  conioints  a  luy,  c'est  une  vie  spirituelle  que  nous  cheminions  quant  et  quant  (dit-il)  d'Esprit,  c'est  a  dire  qu'estans  advertis  que  Dieu  n'approuve  sinon  ce  qui  est  conforme  a  sa  Loy,  laquelle  pour  ceste  cause  est  nommee  spirituelle  de  sainct  Paul  au  7.  chap.  des  Romains,  que  la  prattique  de  ceste  doctrine  se  monstre  quand  nous  cheminerons.  Ainsi  au  lieu  que  les  autres  courent  en  pelerinage,  employons  nos  pas  au  service  de  Dieu  et  de  nos  prochains:  au  lieu  que  ces  poures  bigots  consument  toute  leur  substance  en  des  idolatries,  cognoissons  quels  sont  les  vrais  sacrifices  que  Dieu  demande  de  nous,  et  les  oblations  sacrees,  c'est  que  nous  luy  soyons  dediez  et  de  corps  et  d'ame:  et  puis  quo  les  biens  qu'il  nous  a  donnez  et  qu'il  a  mis  entre  nos  mains,  que  nous  les  dispensions  tellement  que  nous  monstrions  par  effect  que  nous  les  tenons  de  luy:  et  ainsi  de  tout  le  reste.  Voila  en  somme  ce  que  sainct  Paul  a  voulu  dire.  Or  cependant  il  touche  les  vices  qui  estoyent  plus  mortels,  et  qui  regnoyent  par  trop  entre  les  Galatiens,  et  dit:  Ne  soyons  point  convoiteux  de  vaine  gloire,  pour  nous  entregrattigner  et  nous  mordre,  et  pour  porter  envie  V  un  a  V  autre.  Il  n'y  a  nul  doute  quand  les  hommes  se  veulent  faire  valoir,  qu'incontinent  toute  la  doctrine  de  Dieu  ne  soit  corrompue:  et  mesmes  on  peut  aisement  cognoistre  que  ceux  qui  ont  fait  des  grans  zelateurs  de  la  Loy  pour  empescher  sainct  Paul  et  tous  les  fideles  serviteurs  de  nostre  Seigneur  Iesus  Christ,  que  ceux  la  ont  este  menez  d'une  folle  ambition,  qu'ils  ont  voulu  acquerir  quelque  credit  et  reputation  entre  les  hommes.  Pour  ceste  cause  sainct  Paul  les  touche  encores  ici;  mais  cependant  il  regarde  tous  ceux  ausquels  il  escrit,  a  fin  de  lea  4*  54