5:54  Iniiciam  dominas  in  mea  iura  manus.  Grulielmus  Budaeus,  primum  rei  literariae  decus  et  columen,  cuius  beneficio  palmam  eruditionis  hodie  sibi  vendicat  nostra  G-allia,  diligenter  efc  copiose  explicat  huius  loquutionis  proprietatem.  Sed  quando  addit  recentiores  nullo  antiquo  exemplo  iniicere  manum  usurpare  [pag.  43]  pro  eo  quod  latine  dicitur  afferre  vel  inferre  manus,  id  vero  an  perpetuum  sit,  alii  viderint.  Ego  apud  Horatium  iniicere  manus  interpretor  inferre.  Carmen  est:  Ne  male  dispari  Incontinentes  iniiciat  manus,  Et  scindat  haerentem  coronam  Crinibus  immeritamque  vestem.  Item  apud  Curtium  lib.  X.:  Non  contentus  supplicio  insontis  spado,  ipse  morituro  manum  iniecit.  Oceidere  contra  legent]  Salva  res  est,  ubi  semel  haec  cogitatio  subiit  memoriam  principis.  Hoc  est  enim  quod  perdit  tyrannos,  quum  licentiosa  dominatione  l)  eximere  se  turbae  volunt.  Sic  loquitur  Atreus  apud  Senecam:  Pietas,  sanctitas,2)  fides  Privata  bona  sunt:  qua  iuvat,  reges  eant.  Quanto  illud  melius?  Occidere  immerentem,  latronum  et  grassatorum  laus  est.  Eripere  vitam  nemo  non  homini  potest,  vitam  tribuere,  regium  est.  Magnam  fortunam]  Aliud  est  argumentum  eiusdem  rationis,  quod  sic  in  formam  syllogismi  colligi  potest.  Magna  fortuna  magnum  animum  desiderat.  Magnus  animus  est  placidus  et  moderatus,  et  qui  ai  quamlibet  offensionem  de  gradu  non  deiicitur.  Ergo  princeps,  ut  personam  principis  sustineat,  debet  inoffensa  animi  aequitate  offensiones  contemnere  et  iniurias.  Hic  non  admodum  laboro  ut  per  omnia  serviam  legibus  dialecticorum,  modo  sensum  fideliter  assequar.  Magnam  fortunam]  Non  tantum  quia  secundae  res,  ut  ait  Cato,  a  recte  consulendo  atque  intelligendo  transvorsum  trudere  solent  hominem  laetitia  exsultantem  et  ferocientem:  sed  quod  plerique,  animi  abiectioris,  ad  sordes  nati,  illustrem  gerere  personam  non  possunt.  Succumbunt  enim  oneri,  et  suo  splendore  praestringuntur.  Sic  Curtius  de  Alexandro:  Nondum  fortuna  se  eius  animo  superfuderat.  Hinc  et  illa  emanarunt:  Nec  fortunam  capit  ipse  suam.  Item:  Ut  tu  fortunam,  sic  nos  te,  Celse,  feremus.  Ovidius  in  consolatione  ad  Liviam:  Imposuit  te  alto  fortuna,  locumque  tenere  Iussit  honoratum,  Livia,  perfer  onus.  1)  Edd.  recentiores  inde  ab  a.  1611;  damnatione.  2)  In  editionibus  Tragoediarum  scribitur:  Sanctitas,  pietas.  Sio  quoque  ed.  Amst.  4*