42:54  vertu  doit  avoir  la  vraye  connoissance  de  Dieu  en  nous,  il  est  vray  que  beaucoup  de  gents  se  vantent  de  connoistre  Dieu,  et  de  fait  ils  en  scauront  asses  parler,  que  ce  sera  merveilles  de  les  oyr,  mais  cependant  il  n'y  ha  nulle  droicte  connoissance,  car  la  connoissance  de  Dieu  emporte  une  vivacite,  qu'il  y  ait  une  racine  qui  soit  iusques  au  profond  du  coeur,  et  c'est  ce  que  l'apostre  entend,  quand  il  dit  que  Moyse  s'estoit  endurci  aiant  veu  Dieu.  Par  cela  il  monstre  que  quiconque  connoist  Dieu,  comme  il  appartient,  que  celuy  la  est  un  rocher  ferme,  combien  qu'il  soit  assailli  de  tous  costes,  qu'il  y  ait  des  flots,  et  des  heurts  les  plus  impetueux  du  monde,  qu'il  demeurera  tousiours  ferme  et  en  son  estat,  que  sa  foy  ne  s'esbranlera  iamais:  cela  se  rapporte  a  ce  qui  est  dit  par  l'ange,  que  tous  ceux  qui  connoistront  Dieu  se  porteront  constamment,  qu'ils  seront  si  vertueux  qu'il  n'y  aura  rien  qui  les  estonne,  quelques  persecutions  qu'ils  voient  devant  leurs  yeux,  combien  que  la  mort  leur  soit  comme  presente,  si  ne  flechiront  ils  point.  Ainsi  donc  quand  nous  oions  cela  nous  devons  estre  advertis  de  mieux  profiter  en  la  connoissance  de  Dieu,  que  nous  n'avons  point  fait.  Il  est  vray  que  si  nous  sommes  loing  des  coups  nous  serons  grands  theologiens,  ii  n'y  aura  celuy  qui  ne  vueille  estre  estime  plus  que  clerc  et  docteur,  mais  voici  l'examen  qu'il  nous  faut  faire,  pour  scavoir  si  nous  sommes  bons  escolliers  de  Dieu,  c'est  que  nous  soions  tout  persuades  et  resolus  de  servir  a  nostre  Dieu,  non  point  seulement  en  vivant,  mais  iusques  a  la  mort,  que  nous  n'espargnons  point  donc  nostre  vie  ne  tout  ce  que  nous  avons,  pour  maintenir  la  querelle  de  nostre  Seigneur  Iesus  Christ,  que  nous  ne  declinions  point  de  la  foy,  pour  quelque  persecution  qui  nous  adviendra,  et  quand  nous  serons  venus  iusques  la,  nous  pourrons  dire  que  nous  scavons  que  c'est  de  connoistre  Dieu.  Pourquoy?  Quiconques  connoist  vrayement  son  Dieu  il  tiendra  bon:  et  en  quel  temps?  ce  ne  sera  pas  quand  nous  serons  a  repos,  quand  nous  pourrons  parler  a  nostre  aise,  nenni  non,  mais  quand  nous  serons  entre  les  mains  des  tirans,  que  nous  verrons  les  feux  allumes,  que  nous  verrons  les  persecutions  les  plus  horribles  du  monde,  quand  alors  nous  tiendrons  bon.  Voila  comme  nous  serons  approuves,  que  nous  connoistrons  Dieu.  Or  si  nous  sentons  qu'il  y  ait  une  telle  infirmite  en  nous,  que  nous  soions  encores  bien  loing  de  cela,  que  faut  il  faire?  o  il  n'est  point  question  de  nous  flater,  mais  il  faut  qu'un  chacun  se  pieque  et  solicite  pour  dire:  pauvre  creature,  comment  Pentens  tu?  voici  ton  Dieu,  qui  ne  cerche  sinon  d'estre  conneu  de  toy,  quand  l'Evangile  t'est  iournellement  presche,  c'est  pour  te  monstrer  que  comme  Iesus  Christ  est  mort  pour  toy,  que  maintenant  il  domine,  et  sur  la  mort,  et  sur  la  vie,  quand  tu  as  4*