41:54  potius  inclino  in  diversam  sententiam.  Ego  uon  contendo,  si  quis  malit  de  monarchiis  exponere.  Probabilis  enim  erit  etiam  ille  sensus:  et  quantum  ad  summam  rei  spectat,  non  multum  interest.  Sed  existimo  thronos,  vel  solia  hic  poni  pro  conspectu  iudicii  divini  :  quia  statim  subiiciet  propheta  myriadas  angelorum  stetisse  coram  Deo.  Scimus  autem  angelos  ornari  saepe  hoc  titulo,  ac  si  essent  Dei  assessores:  et  conveniet  etiam  loquendi  forma,  qua  utetur  Daniel  quum  dicit  iudicium  sedisse.  Loquitur  enim  illic  de  consessu  iudicum,  ac  si  non  sederet  solus  Deus,  sed  haberet  consiliarios  sibi  adiunctos.  Meo  igitur  iudicio  optime  hoc  convenit,  solia  fuisse  erecta,  ut  Deus  sederet  una  cum  suis  consiliariis:  non  quod  indigeat  aliquo  consilio,  sed  pro  suo  beneplacito  et  mera  gratia  dignatur  angelos  hoc  honore,  ut  statim  videbimus.  Describit  igitur  humano  more  Daniel  apparatum  iudicii  :  quemadmodum  si  quis  rex  prodeat  in  publicum,  aliquid  magni  acturus,  conscendet  suum  tribunal,  ab  utroque  latere  sedebunt  consiliarii  et  proceres,  non  tam  ut  socii  sint  potestatis,  quam  ut  augeant  splendorem  ipsum  regis:  quia  si  solus  rex  totum  locum  occupet,  non  erit  tam  magnifica  dignitas  quam  ubi  ab  utraque  parte  adsunt  proceres,  qui  ab  ipso  pendent,  quum  tamen  longe  excellant  supra  totum  vulgus.  Daniel  ergo  narrat  hoc  modo  exhibitam  sibi  fuisse  visionem:  quoniam  homo  erat  circumdatus  carne:  deinde  non  sibi  privatim  hoc  videbat,  sed  in  communem  totius  ecclesiae  usum.  Sic  voluit  Deus  praebere  figuram,  quae  posset  erigere  in  admirationem  animum  prophetae  et  omnium  piorum  animos,  tamen  haberet  aliquid  affine  cum  rebus  humanis.  Solia  igitur  erecta  fuisse  dicit:  postea,  Antiquum  dierum  sedisse.  Iam  exposuimus  quomodo  sedere  tunc  Deus  inceperit,  nempe  quia  visus  fuerat  iacere,  ac  si  non  exerceret  iudicium  in  mundo.  Ubi  enim  res  sunt  turbatae,  et  permixtae  multis  tenebris,  quis  diceret  Deum  regnare?  Videtur  ergo  Deus  coelo  esse  inclusus,  ubi  res  sunt  incompositae  et  turbulentae  in  terra.  Ex  opposito  dicitur  conscendere  tribunal,  ubi  vendicat  sibi  partes  iudicis,  et  palam  demonstrat  se  neque  dormire,  neque  cessare,  quamvis  hoc  lateat  humanos  sensus.  Sed  haec  loquendi  forma  aptissima  fuit  ad  notandum  Christi  adventum.  Tunc  enim  maxime  Deus  enituit  cum  summo  imperio,  quemadmodum  Paulus  locum  ex  Psalmo  citat,  Ascendisti  in  altum,  ete.  (Eph.  4,  8).  Nam  quum  sermo  habetur  de  primo  Christi  adventu,  hoc  non  debet  restringi  ad  triginta  tres  annos,  quibus  in  mundo  versatus  est:  sed  complectitur  adscensum  et  promulgationem  evangelii,  quo  regnum  suum  auspicatus  est:  idque  rursum  clarius  et  fusius  dicetur.  Merito  itaque  Daniel  narrat  Deum  sedisse,  ubi  agitur  de  priore  Christi  adventu:  quia  refulsit  in  Christi  persona  Dei  maiestas:  qua  ratione  etiam  vocatur  4*