39:54  Ieremias  ad  resipiscentiam,  nisi  ostenderet  iusto  iudicio  id  factum  esse,  ut  tam  graviter  in  ipsos  saevirent  Chaldaei.  Sed  reliqua  differemus  in  diem  crastinum.  Heri  coactus  fui  subsistere  in  secundo  membro  versus  quinti,  ubi  pronuntiat  Deus  percussos  fuisse  a  se  Iudaeos,  quum  vires  suas  experti  essent  ad  resistendum.  Dicit  igitur  cladem  illam  ideo  accidisse  et  urbi,  et  populo,  quoniam  in  ipsum  peccaverant.  Sed  primum  dicit,  percussi  eos,  deinde,  abscondi  faciem  meam  ab  urbe.  Demum  causam  adiungit,  propter  universam  malitiam  ipsorum.  Significat  igitur  se  fuisse  autorem  cladis  illius:  deinde  ostendit  se  iusto  iudicio  castigasse  populi  scelera.  Quoniam  enim  non  destiterant  longo  tempore  provocare  eius  vindictam,  ideo  hic  docet  meritos  fuisse  mercedem  illam,  nempe  ut  urbs  expugnaretur  a  Chaldaeis:  deinde,  ut  passim  fierent  strages,  et  ita  domus  plenae  essent  ac  refertae  cadaveribus.  Postea  dicit,  Ecce  ego  instaurationem  adducam  et  sanitatem,  et  sanabo  eos.  Hoc  est  principale  verbum,  ut  loquuntur,  siquidem  hactenus  ostendit  meritos  fuisse  Iudaeos  tam  gravem  poenam,  quia  sua  obstinatione  non  destiterant  Deum  in  se  provocare:  sed  promittit  se  fore  illis  placabilem,  ubi  eos  moderate  castigaverit.  Diximus  enim  hunc  esse  finem  vaticinii,  ut  Iudaei  non  deficerent,  sed  sese  fulcirent  promissione  gratiae,  quamvis  exsilium  per  se  acerbum  esset.  Ego,  inquit,  adducam  instaurationem  et  sanitatem,  deinde,  aperiam  illis  multitudinem  pacis  et  veritatis.  Alii  nomen  HDtt  accipiunt  pro  prece.  Significat  enim  verbum  px  aliquando  precari,  significat  etiam  multiplicari.  Potest  igitur  duplex  esse  sensus,  quod  Deus  patefaciet  illis  aditum  ad  precandum.  Sic  enim  res  erant  desperatae  in  populo  illo,  ut  nemo  auderet  verbum  facere.  Nam  et  ipse  Ieremias  cap.  l  l  prohibitus  fuit  orare,  quoniam  scilicet  statuerat  Deus  perdere  miseros  illos,  in  quibus  nulla  erat  spes  resipiscentiae.  Intelligunt  ergo  quidam  hic  promitti  aditum,  ut  fideles  ac  servi  Dei  precentur  pro  urbis  prosperitate.  Sed  videtur  illa  expositio  esse  longe  petita.  Simplicius  igitur  interpretor,  quod  Deus  dabit  multitudinem  pacis,  vel  prorogationem,  quod  adhuc  magis  placet.  Dabo  prorogationem  pacis  qua  voce  significat  felicem  statum,  ut  satis  notum  est.  Quum  ergo  redacta  esset  Ierusalem  in  extremas  miserias  promittit  Deus  laetiora,  nempe  ut  prospere  agat  in  posterum.  Addit  nomen  veritatis,  quod  pro  stabilitate  hic  accipitur,  quemadmodum  passim  in  scriptura,  quasi  diceret  prosperum  urbis  statum  non  fore  unius  mensis,  vel  exigui  temporis,  sed  diuturnum  imo  perpetuum,  quemadmodum  proximo  etiam  versu,  se  ipsum  declarat.