35:54  cela:  car  il  faudra  que  tu  sois  condamne,  et  que  Dieu  te  face  sentir  que  c'est  a  bon  droit  qu'il  t'a  ainsi  afflige.  Ici  nous  avons  a  examiner  en  premier  lieu,  si  Eliu  accuse  Iob  a  tort  ou  a  droit,  de  ce  qu'il  s'est  voulu  iustifier:  car  il  semble  bien  de  prime  face  qu'il  ait  mal  prins  le  propos  que  Iob  avoit  tenu,  et  qu'il  le  destourne  par  calomnie  en  un  sens  divers.  Et  qu'ainsi  soit  Iob  n'a  iamais  voulu  s'attribuer  une  telle  perfection,  qu'il  n'y  ait  point  de  peche  en  lui,  nous  avons  veu  le  contraire:  il  semble  donc  qu'ici  Eliu  falsifie  les  propos  qu'il  a  ouy,  et  qu'il  les  applique  tout  au  rebours.  Mais  d'autant  qu'il  n'est  point  redargue  de  Dieu  (ainsi  que  nous  verrons)  et  mesmes  que  nous  avons  desia  ouy  qu'il  protestoit  de  ne  point  assaillir  Iob  a  la  facon  des  autres:  notons  qu'ici  il  prend  ce  que  Iob  avoit  dit  comme  il  l'a  entendu,  c'est  assavoir  que  Iob  regardoit  a  l'affliction  presente,  comme  s'il  disoit,  II  est  vrai  que  ie  suis  un  povre  pecheur,  ie  ne  puis  pas  nier  que  ie  n'aye  commis  beaucoup  de  fautes  devant  Dieu,  mais  en  ceci  ie  me  trouve  iuste,  et  Dieu  use  de  sa  puissance  absolue  envers  moi,  quand  ie  ne  voi  point  de  raison  pourquoi  il  me  tourmente  ainsi:  car  l'affliction  est  par  trop  grieve.  Combien  donc  que  Iob  ne  s'est  point  voulu  iustifier  en  general:  si  est-ce  qu'en  la  cause  de  son  affliction  il  a  voulu  estre  iuste.  Or  il  semble  encores  qu'Eliu  en  cela  lui  face  tort:  car  nous  avons  dit  qu'a  la  verite  Dieu  n'avoit  point  voulu  punir  Iob  pour  ses  pechez,  combien  qu'il  le  peust  iustement  faire:  que  c'estoit  assez  qu'il  vouloit  esprouver  sa  patience.  Et  quand  Iob  a  cognu  cela,  n'a-il  pas  eu  raison?  Car  il  se  conformoit  au  conseil  et  a.  la  volonte  de  Dieu.  Mais  la  response  est,  qu'en  recevant  les  afflictions  que  Dieu  nous  envoye  comme  des  espreuves  de  nostre  obeissance,  et  apres  avoir  cognu  que  Dieu  ne  nous  punit  point  pource  que  nous  l'ayons  offense,  pource  qu'il  soit  courrouce,  contre  nous,  mais  seulement  qu'il  nous  veut  humilier,  et  veut  savoir  si  nous  lui  serons  suiets  en  tout  et  par  tout,  qu'il  veut  aussi  mortifier  nos  concupiscences.  Quand  nous  avons  ceste  adresse-la,  il  faut  quant  et  quant  avoir  une  autre  consideration:  c'est  que  neantmoins  quand  il  plairoit  a  Dieu,  il  trouveroit  bien  dequoy  nous  punir.  Combien  donc  que  Dieu  nous  espargne,  et  qu'il  ne  vueille  point  user  de  sa  rigueur  contre  nous  a  cause  de  nos  pechez:  si  est-ce  qu'il  le  pourroit  faire,  et  il  y  a  tousiours  iuste  raison.  Pourquoy  donc  ne  le  fait-il  pas?  C'est  a  cause  de  sa  bonte:  et  cependant  il  nous  afflige  pour  un  autre  regard.  Voila  pour  un  Item.  Or  le  second  est,  Que  si  Dieu  ne  nous  declare  point  pourquoy  il  nous  afflige,  il  nous  faut  tenir  la  teste  baissee  iusques  a��  ce  qu'il  nous  approche  de  soy,  et  qu'il  nous  face  sentir  pourquoy  il  nous  a  4*