30:54  HOMILIA  XLIX.  35.  Aedificavit  autem  Saul  altare  Domino:  tuncque  coepit  primum  aedificare  altare  Domini.  36.  Et  dixit  Saul:  Irruamus  super  Philisthaeos  nocte,  et  vastemus  eos  usque  dum  illucescat  mane,  nec  relinquamus  ex  eis  virum,  dixitque  populus  :  Omne  quod  bonum  videtur  in  oculis  tuis,  fac:  Et  ait  sacerdos:  Accedamus  huc  ad  Deum.  37.  Et  consuluit  Saul  Deum  :  Num  persequar  Philisthim,  si  trades  eos  in  manus  Israeli  sed  non  respondit  ei  in  die  illa.  38.  Dixitque  Saul:  Applicate  huc  universos  angulos  populi,  et  scitote,  et  videte  per  quem  acciderit  hoc  peccatum  hodie.  39.  Vivit  Dominus  salvator  Israel,  quia  si  per  Ionathan  filium  meum  factum  est,  absque  retractations  morietur.  Ad  quod  nullus  contradixit  ei  ex  omni  populo.  40.  Et  ait  ad  universum  Israel:  Separamini  vos  in  partem  unam,  et  ego  cum  Ionathano  filio  meo  ero  in  parte  altera.  Besponditque  populus  ad  Saul:  Quod  bonum  videtur  in  oculis  tuis  fac.  Superiore  concione  pietatem  Saulis  audivimus,  qui  populum  ne  adversus  legem  pecudes  cum  sanguine  comedendo  peccaret  cohibuerat:  seque  in  eo  facto  fortiter  gesserat:  hic  adiicitur  illum  exstruxisse  Domino  altare  ad  sacrificandum:  quod  per  se  laude  dignum  est:  sed  adiicitur,  Saulem  illud  primum  altare  exstruxisse.  Quidam  vero  existimant  illis  verbis  significari  hoc  primum  fuisse  altare  a  Saule  exstructum.  Atqui  certum  est  unicum  tantum  esse  altare  oportuisse  in  populo  israelitico:  quare  si  quis  Saulem  utet  plura  exstruxisse,  aut  quod  tum  nulla  essent  exstruere  coepisse,  non  bene  conveniet  supra  dictis:  quandoquidem  iam  sacrum  fecerat  Saul  exspectans  Samuelis  adventum,  quod,  ut  ante  diximus,  sine  altari  fieri  non  poterat.  Quare  statuendum  est  non  fuisse  istud  primum  altare  a  Saule  constructum:  et  contrarium  etiam  apparet.  Nam  ante  vidimus  illum  satis  procul  a  Philistaeis  fuisse,  et  quodammodo  metuentem  illorum  multitudinem  continuisse  se  intra  castra.  Iam  vero  dicitur  illos  insequutus  ad  noctem  usque,  et  percussisse  insigni  plaga  a  Michmaso  usque  Haialonem.  Quare  apparet  non  alio  loco  exstructum  altare,  quam  in  quo  iam  sacrificarat,  neque  etiam  aliud  a  priore  illo  de  quo  ante  facta  mentio  est.  Quomodo  itaque  dicemus  intelligenda  haec  verba,  Saulem  exstruxisse,  et  hoc  primum  exstruxisse?  Nempe  exstruxisse  ad  durationem  dicemus.  Nam  facile  colligimus  peculiarem  aliquam  structuram  notari.  Nam  si  altare  ex  politis  lapidibus  struxisset,  graviter  illum  hac  in  parte  fuisse  peccaturum  cuivis  notum  est:  quod  diserte  cautum  esset  ne  quis  tale  altare  aedificaret.  Ratio  fuit  in  promptu  :  ne  populus  sibi  novos  cultus  et  devotiones  fingeret,