28:54  LE  CINQUIESME  SERMON  SUR  LE  CHAP.  XXII.  V.  25-30.  DU  MEROREDI  15E  DE  IANVIER  1556.  Suyvant  le  propos  qui  fut  hier  demene,  nous  voyons  comme  Dieu  a  voulu  que  les  mariages  fussent  observez  loyalement.  Et  c'est  bien  raison,  ou  autrement  il  faudra  que  tout  ordre  de  nature  soit  perverti:  car  il  n'y  a  rien  qui  doive  estre  garde  et  observe  plus  estroitement  entre  les  hommes.  Les  autres  contracts  doivent  bien  estre  gardez  en  bonne  foy:  mais  cestuy-ci,  d'autant  qu'il  surmonte  en  sainctete,  doit  avoir  plus  de  reverence.  Et  ainsi,  ce  n'est  point  sans  cause  que  Dieu  ordonne  que  celuy  qui  aura  rencontre  une  ieune  fille,  laquelle  desia  soit  promise,  et  qu'il  la  viole,  que  celuy-  la  meure  sans  aucune  remission.  Et  pourquoy?  Il  a  rompu  le  contract  qui  doit  estre  sacre  entre  les  hommes,  et  sur  lequel  il  veut  que  son  nom  soit  invoque,  afin  que  les  parties  cognoissent  qu'ils  sont  conioints  ensemble  d'un  lien  inviolable.  Puis  qu'ainsi  est  donc  qu'il  y  a  telle  rebellion  contre  Dieu,  il  faut  bien  que  le  chastiment  soit  semblable,  et  qu'il  responde.  Et  ainsi  nous  sommes  tousiours  mieux  confermez  eo  ceste  doctrine,  c'est  assavoir  que  si  nous  ne  voulons  nourrir  la  vengeance  de  Dieu  sur  nous,  que  les  mariages  doyvent  estre  sainctement  observez.  Et  ne  faut  point  regarder  l'opinion  commune  en  ceci:  car  si  nous  voulons  estre  plus  sages  que  Dieu,  il  saura  bien  punir  nostre  orgueil  diabolique:  et  cependant  nous  porterons  tousiours  le  salaire  que  nous  avons  merite,  quand  nous  ne  voudrons  user  du  remede  que  Dieu  monstre  en  sa  Loy.  Il  est  vray  qu'on  n'y  sera  point  oblige  en  tout  et  par  tout  (comme  desia  il  a  este  monstre,  et  sera  encores)  mais  cependant  si  est-ce  que  Dieu  nous  a  advertis,  que  si  on  permet  que  les  mariages  soyent  rompus,  et  qu'il  j  ait  une  telle  licence  que  les  adulteres  demeurent  impunis,  qu'il  faudra  que  nous  venions  en  une  horrible  confusion,  et  en  une  extremite  brutale  (comme  i'ay  desia  dit).  Or  cependant  nous  avons  a  noter  aussi  qu'il  compare  ici  l'homme  qui  aura  efforce  une  fille,  a  un  brigand,  lequel  ayant  rencontre  son  prochain,  le  meurtrit.  Il  ne  l'accompare  point  a  quelqu'un  qui  aura  battu.  Or  donc  ceste  comparaison  monstre  bien  que  l'acte  en  soy  est  par  trop  enorme,  et  qu'il  n'est  point  supportable.  Car  si  la  vie  des  hommes  est  precieuse  a  Dieu,  aussi  est  la  chastete  et  la  foy  qui  est  promise  en  mariage:  car  une  femme  doit  estre  compagne  d'un  mari  a  vie  et  mort.  Et  quand  cela  est  falsifie,  que  resteil  plus  entre  les  hommes?  Et  ainsi,  Dieu  pour  aggraver  plus  le  crime,  dit  que  c'est  une  espece  de  brigandage,  quand  un  homme  ayant  rencontre  une  4*