27:54  sou  inclination,  il  faut  qu'il  face  la  guerre  a  Dieu,  et  a  tout  bien  :  car  il  n'a  veine  qui  ne  tende  du  tout  a  mal.  AUons-nous  donc  maintenant  glorifier  en  nostre  franc  arbitre,  et  que  les  hommes  peuvent  bien  obliger  Dieu  envers  eux  par  leurs  bonnes  oeuvres,  et  merites,  comme  les  Papistes  l'ont  imagine.  Car  quand  ils  oyent  que  Dieu  nous  commande  de  faire  ceci  ou  cela  :  la  dessus  ils  concluent,  qu'il  est  donc  en  nous  de  le  pouvoir  faire.  Ouy,  mais  comme  nous  avons  dit  :  Dieu  ne  regarde  point  a  nostre  faculte  ni  pouvoir  :  mais  a  ce  que  nous  luy  devons.  Et  mesmes  il  ne  s'arreste  point  a  une  belle  apparence,  ni  a  une  monstre  pour  accepter  ce  qui  aura  beau  lustre  devant  les  hommes:  Mais  ie  me  contente  (dit-il)  que  vous  receviez  mon  ioug,  lequel  ie  vous  impose  :  non  point  par  tyrannie  ou  cruaute,  mais  il  vous  sera  doux,  et  amiable  quand  vous  pourrez  vous  y  accoustumer  en  toute  humilite.  Ne  cuidez  point  donc  me  venir  appaiser  par  vos  belles  mines.  Il  est  vray  qu'au  dehors  vous  ferez  bien  semblant  d'estre  humbles,  et  modestes  comme  moutons  et  brebis,  pour  ouyr  la  voix  de  vostre  pasteur:  mais  vous  estes  des  taureaux  engraissez  pour  hurter  des  cornes  :  vous  estes  des  loups  et  des  renards  :  il  n'y  a  qu'orgueil  et  cruaute  en  vous,  il  n'y  a  qu'hypocrisie,  fraude,  et  malice:  vous  estes  d'une  nature  si  revesche,  qu'il  est  impossible  de  vous  dompter  :  il  faut  donc  que  vous  soyez  chagez  du  tout,  ou  autrement  vous  ne  pourrez  iamais  porter  mon  ioug,  vous  serez  tousiours  bestes  sauvages:  tellement  que  ie  ne  pourray  iouyr  des  vous.  Voila  donc  quels  nous  sommes  de  nature,  et  quels  nous  demeurerons  iusqu'a  tant  que  Dieu  nous  reforme  par  sa  grace:  et  nous  le  voyons  ici  a  l'oeil.  Et  cependant  encores  nous  voudrons  magnifier  nostre  raison,  et  dire  que  nous  avons  quelque  bonne  semence  en  nous,  que  nous  sommes  enclins  au  bien,  que  nous  pouvons  aider  a  la  grace  de  Dieu,  moyennant  qu'elle  nous  aide,  et  ainsi  que  nous  ferons  un  potage,  qui  sera  moitie  figues,  moitie  raisins  (comme  on  dit).  Il  est  vray  que  Dieu  nous  incite  et  nous  pousse:  mais  nous  allons  apres  nostre  mouvement  propre:  et  puis  quand  il  nous  augmente  sa  grace,  nous  y  adioustons  un  autre  loppin:  et  puis  quand  nous  viendrons  au  dessus  de  nos  entreprises,  que  cela  est  de  nostre  prudence,  de  nostre  force,  ou  industrie.  Or  Moyse  ne  donne  point  lieu  a  telles  folies:  mais  au  contraire  il  monstre  qu'il  faudra  en  despit  de  nos  dents  que  ceste  sentence  de  condamnation  tienne,  que  pour  nous  ranger  a  Dieu,  devant  toutes  choses,  qu'il  nous  faut  estre  circoncis,  que  tout  ce  qui  est  du  monde  soit  amorti.  Voila  pour  un  item.  Or  cependant  nous  avons  a  noter,  que  Dieu  prise  obeissance  (comme  souvent  il  nous  est  remonstre)  plus  que  tout  ce  que  les  hommes  cuident  avoir  de  bien  precieux.  Car  de  tout  temps  les  hommes  se  sont  forge  de  folles  devotions,  et  leur  a  semble  4*