26:54  aller  ceux  qu'ils  ont  nourris  :  mais  nostre  Dieu  nous  est  pere,  et  en  la  vie,  et  en  la  mort.  Ainsi  donc  ayons  tousiours  nostre  refuge  sous  l'ombre  de  sa  protection,  et  soyons  certains  que  sa  vertu  ne  diminuera  point  envers  nous.  Mais  nous  avons  bien  aussi  a  noter  ce  que  Moyse  dit,  que  Og  roy  de  Basan  s'est  venu  ietter,  pour  donner  bataille.  En  quoy  il  monstre  que  le  peuple  a  eu  une  iuste  guerre  et  legitime.  Car  combien  que  le  peuple  d'Israel  eust  commandement  expres  de  Dieu,  de  desconfire  Og  roy  Basan,  et  qu'il  fust  arme,  non  point  de  sa  fantasie,  mais  de  l'authorite  de  celuy  qui  a  toute  puissance  :  tant  y  a  qu'encores  Dieu  luy  veut  donner  iuste  raison,  afin  qu'il  soit  plus  asseure  en  sa  conscience.  Et  la  dessus  nous  sommes  admonnestez  (comme  il  a  este  dit  auparavant)  de  ne  rien  attenter  contre  equite  et  raison.  Si  nous  voulons  que  Dieu  benisse  nos  entreprises,  qu'il  les  face  prosperer,  et  les  ameine  a  bonne  issue:  gardons-  nous  de  remuer  seulement  un  doigt  a  l'avanture,  et  contre  ce  qui  nous  est  monstre  par  la  parolle  de  Dieu.  Car  qui  est-ce  qui  nous  rendra  vrayement  hardis  en  toutes  choses?  quand  nous  aurons  bon  tesmoignage  en  nos  consciences,  que  nous  avons  chemine  comme  Dieu  le  commandoit,  et  comme  aussi  l'equite  et  droiture  le  porte:  quand  nous  serons  certifiez  de  cela,  alors  nous  pourrons  bien  attendre  secours  d'enhaut,  et  n'en  serons  point  frustrez.  Mais  si  nous  oublions  la  discretion  du  bien  et  du  mal,  et  que  nous  y  allions  a  l'estourdie:  c'est  raison  que  Dieu  se  mocque  de  nous,  et  que  nous  soyons  confus  en  nos  affaires.  Voila  donc  ce  que  nous  avons  ici  a  observer,  quand  Og  roy  de  Basan  s'est  venu  declairer  ennemi  pour  picquer  le  peuple  d'Israel,  en  sorte  que  la  guerre  estoit  iuste.  Car  il  n'y  ha  nulle  doute,  que  cest  ennemi  ne  luy  ait  este  presente  de  la  main  de  Dieu  :  comme  nous  vismes  hier,  que  Sehon  avoit  este  endurci,  d'autant  que  Dieu  le  vouloit  ruiner.  Ainsi  en  est-il  advenu  d'Og  roy  de  Basan.  Ainsi  donc  apprenons  de  ne  point  irriter  cestuy-ci,  ne  cestuy-la,  pour  leur  donner  occasion  de  nous  fascher  et  molester:  mais  que  tous  ceux  qui  nous  seront  ennemis,  qu'ils  commencent  la  guerre,  et  que  de  nostre  coste  nous  soyons  paisibles.  Voila  ce  que  nous  avons  a  retenir.  Car  si  nous  commencons  l'escarmouche,  et  que  nous  facions  quelque  iniure,  ou  quelque  violence,  pourrons-  nous  dire  que  Dieu  nous  assiste?  pourronsnous  esperer  qu'il  nous  favorise,  quand  nous  serons  ainsi  desbordez?  non.  Ainsi,  que  nous  n'allions  point  faire  de  nous  mesmes  des  ennemis  :  le  diable  ne  nous  en  suscitera  que  trop  :  et  Dieu  aussi  de  sa  part  nous  voudra  exercer,  et  besongnera  en  sorte  que  nous  aurons  des  ennemis  qui  ne  cercheront  qu'a  nous  persecuter:  mais  de  nostre  part  que  nous  cerchions  la  paix  en  tant  qu'en  nous  sera.  Et  au  4*