23:54  do  ac  perdendo  omne  genus  fraudibus  et  fallaciis  instructum.  Quamvis  igitur  obstrepant  impii,  nihiL  est  in  hoc  loquendi  genere  quod  merito  nos  offendat,  si  Moses  Satanam  iniustitiae  principem  sub  ministri  organique  sui  persona  describit,  quo  tempore  Christus  ecclesiae  caput  et  sol  iustitiae  nondum  palam  illuxerat.  Adde  quod  humanae  ingratitudinis  foeditas  melius  inde  perspicitur:  quod  quum  sibi  Dei  manu  in  subiectionem  cuncta  animalia  esse  tradita  Adam  et  Heva  agnoscerent:  ab  uno  tamen  ex  suis  mancipiis  abduci  se  passi  sunt  ad  rebellandum  Deo.  Quoties  intuebantur  quidquid  animalium  erat  in  mundo,  tam  summum  Dei  imperium  quam  singularis  bonitas  in  mentem  illis  venire  debebat:  contra  vero,  dum  serpentem  vident  ab  opifice  suo  esse  apostatam,  non  modo  poenas  non  sumunt,  sed  contra  legitimum  ordinem  se  illi  subiiciunt  et  addicunt,  apostasiae  eiusdem  comites,  hac  tanta  pravitate  quid  fingi  potest  indignius?  Ita  serpentis  nomen  non  allegorice,  ut  quidam  inepte  faciunt,  sed  in  genuino  sensu  accipio.  Mirantur  etiam  plerique  quod  Moses  simpliciter  et  quasi  ex  abrupto  narret  Satanae  impulsu  in  aeternum  exitium  cecidisse  homines:  quomodo  autem  a  Deo  impulsor  ipse  defecerit,  ne  verbo  quidem  attingat.  Atque  inde  factum  est  ut  fanatici  homines  Satanam  malum  et  perversum,  qualis  hio  describitur,  conditum  fuisse  somniarent.  Atqui  Satanae  defectio  aliis  scripturae  locis  probatur,  et  impium  delirium  est,  malae  ullius  et  corruptae  naturae  creationem  Deo  affingere:  nam  perfecto  mundo  testimonium  ipse  cunctis  suis  operibus  reddidit,  quod  essent  valde  bona.  Quare  sine  controversia  statuendum  est,  malitiae  qua  praeditus  est  Satan,  principium  non  a  natura:  sed  a  defectione  esse:  quia  a  Deo  iustitiae  et  omnis  rectitudinis  fonte  discessit.  Sed  eius  lapsum  nunc  praeterit  Moses,  quia  illi  propositum  est,  breviter  humanae  naturae  corruptionem  narrare:  ut  sciamus  Adam  non  fuisse  ad  multiplices  istas,  sub  quibus  laborant  omnes  eius  posteri,  miserias  conditum,  sed  propria  culpa  in  eas  decidisse.  Dum  reputant  homines  quot  et  quibus  obnoxii  sint  malis,  continere  se  nequeunt  quin  fremant  et  obmurmurent  Deo,  cui  perperam  imputant  iustas  peccati  poenas.  Notae  sunt  querimoniae,  clementius  egisse  Deum  cum  porcis  et  canibus.  Unde  hoc,  nisi  quia  miserum  hunc  et  perditum  statum,  sub  quo  tabescimus,  non  referunt  acceptum  Adae  peccato,  sicuti  par  erat?  Sed  hoc  longe  deterius,  quod  interiora  animae  vitia  (qualia  sunt,  horribilis  caecitas,  contumacia  in  Deum,  pravae  cupiditates,  violenti  ad  malum  impetus)  in  Deum  reiiciunt:  quasi  non  accidentalis  esset  tota  ingenii  nostri  perversitas.  Consilium  ergo  Mosis  fuit  paucis  complecti  quantum  a  prima  origine  differat  praesens  nostra  conditio:  ut  cum  humili  culpae  nostrae  confessione  discamus  mala  nostra  lugere.  Quare  nou  4*