22:54  pour  Sacrificateur  qui  nous  reconciliast  avec  1e  Pere.  Car  il  a  vestu  nostre  chair,  affin  que  estant  faict  Filz  dhomme  il  nous  fist  avec  soy  filz  de  Dieu,  et  que  ayant  receu  sur  soy  nostre  pouvrete  il  nous  transferast  ses  richesses,  ayant  prins  nostre  imbecillite  il  nous  confirmast  de  sa  vertu,  ayant  receu  nostre  mortalite  quil  nous  donnast  son  immortalite,  estant  descendu  en  terre  quil  nous  eslevast  au  ciel.  Il  est  ne  de  la  vierge  Marie,  affin  quil  feust  recogneu  le  vray  Filz  de  Abraham  et  de  David,  qui  avoit  este  promis  en  la  loy  et  aux  prophetes,  et  vray  homme,  en  toutes  choses  semblable  a  nous  excepte  seulement  peche,  qui  ayant  este  tente  de  toutes  noz  infirmitez  aprint  den  avoir  compassion.  Luy  mesmes  toutesfois  a  este  conceu  au  ventre  de  la  vierge  par  la  vertu  du  S.  Esperit  merveilleuse  et  inenarrable  a  nous,  affin  quil  ne  nasquist  entache  daucune  corruption  charnelle  mais  sainctifie  de  souveraine  purete.  A  souffert  soubz  Ponce  Pilate,  a  este  crucifie,  mort  et  enseveli/,  est  descendu  aux  enfers.  Par  ces  parolles  nous  sommes  enseignez  comment  il  a  parfaict  nostre  redemption  pour  laquelle  il  estoit  ne  homme  mortel:  car  parce  que  Dieu  estoit  provoque  a  ire  par  la  desobeissance  de  lhomme,  il  la  effacee  par  son  obeissance,  se  rendant  obeissant  au  Pere  iusques  a  la  mort.  Et  il  sest  offert  par  sa  mort  au  Pere  en  sacrifice,  affin  que  la  iustice  dicelluy  feust  pacifiee  une  fois  pour  tous  temps,  affin  que  tous  les  fideles  feussent  sainctifiez  eternellement,  affin  que  eternelle  satisfaction  feust  accomplie.  Il  a  espandu  son  sacre  sang  pour  le  pris  de  nostre  redemption,  affin  que  la  fureur  de  Dieu  enflambee  contre  nous  feust  esteincte  et  que  nostre  iniquite  feust  purgee.  Mais  il  ny  a  rien  en  celle  redemption  qui  soit  sans  mystere.  Il  a  souffert  soubz  Ponce  Pilate,  lors  iuge  du  pais  de  Iudee51)  par  la  sentence  duquel  il  a  este  condampne  comme  criminel  et  malfaicteur,  affin  que  par  ceste  condemnation  nous  feussions  delivrez  et  absoulx  au  consistoire52)  du  grand  Iuge.  Il  a  este  crucifie  affin  de  soustenir  en  la  croix,  qui  estoit  mauldicto  en  la  Loy  de  Dieu,  nostre  malediction  laquelle  noz  pechez  meritoient.  Il  est  mort  affin  de  vaincre  par  sa  mort  la  mort  laquelle  nous  estoit  contraire,5a)  et  de  lengloutir,  laquelle  autrement  nous  eust  tous  engloutiz  et  de-  51)  lors  .  .  Judee  om.  52)  tribunal.  53)  imminebat.