21:54  fort  requis  es  maisons  des  seigneurs  circonvoisins.  A  raison  dequoy  son-dit  fils  fut  tant  mieux  et  liberalement  nourri,  aux  despens  toutesfois  de  son  pere,  en  la  compagnie  des  enfans  de  la  maison  de  Mommor  :  ausquels  aussi  il  fit  compagnie  aux  estudes  a  Paris.  La  entre  autres  precepteurs  il  eut  pour  son  commencement  au  college  de  la  Marche,  M.  Maturin  Cordier,  un  fort  bon  personnage,  de  grande  simplicite,  et  fort  soigneux  en  son  estat:  lequel  depuis  a  use  sa  vie  enseignant  les  enfans  tant  a  Paris,  qu'a  Nevers,  Bordeaux,  Geneve,  Neufehastel,  Lausanne,  et  finalement  [a  5]  derechef  a  Geneve,  ou  il  est  mort  ceste  annee  1564  en  l'aage  de  85  ans,  instruisant  la  ieunesse  en  la  sixieme  classe,  trois  ou  quatre  iours  devant  sa  mort,  qui  fut  le  8.  de  Septembre.  Depuis  ledit  Calvin  demeura  aussi  au  college  de  Mont-aigu  sous  un  precepteur  en  classe,  Espagnoi  de  nation:  et  aussi  en  chambre  sous  un  precepteur  Espagnoi  qui  depuis  a  esto  Docteur  en  Medecine.  Il  estoit  des  lors  d'un  singulier  esprit:  et  proffita  si  bien,  qu'en  peu  d'annees  il  fut  avance  a  l'estude  de  Philosophie.  Quant  a  ses  moeurs,  il  estoit  sur  tout  fort  consciencieux,  ennemi  des  vices,  et  fort  adonne  au  service  de  Dieu  qu'on  appelloit  pour  lors:  tellement  que  son  coeur  tendoit  entierement  a  la  Theologie,  et  son  pere  pretendoit  de  l'y  faire  employer:  ce  qui  fut  cause  qu'on  le  pourveut  d'un  benefice  en  l'Eglise  Cathedrale  de  Noyon,  comme  il  eut  aussi  une  cure  au  Pont  l'Evesque,  qui  estoit  le  lieu  de  la  naissance  de  son  pere,  comme  il  a  este  dit:  en  laquelle  cure  il  a  depuis  presche  par  fois,  avant  qu'il  se  retirast  de  France.  Telle  donc  estoit  l'intention  du  pere  pour  lors:  toutesfois  puis  apres  il  se  resolut  de  le  faire  estudier  aux  loix,  voyant  que  c'estoit  meilleur  moyen  pour  parvenir  aux  biens  et  aux  honneurs.  Luy  aussi  de  sa  part,  ayant  desia  par  le  moyen  d'un  sien  parent  et  ami,  nomme  Pierre  Robert,  autrement  Olivetanus,  qui  depuis  a  traduit  la  Bible  d'Hebrieu  en  Francois  imprimee  a  Neufehastel,  gouste  quelque  chose  de  la  pure  religion,  commencoit  a  se  distraire  des  superstitions  Papales:  qui  fut  cause,  outre  la  singuliere  reverence  qu'il  portoit  a  son  pere,  qu'il  s'accorda  de  suivre  plustost  l'estude  des  loix  que  de  la  Theologie,  comme  elle  estoit  lors  es  escoles  toute  corrompue,  et  d'aller  a  Orleans  pour  cest  effect:  la  ou  lisoit  pour  lors  un  excellent  homme,  nomme  Pierre  de  TEstoille,  depuis  President  en  la  cour  de  Parlement  a  Paris:  sous  lequel  ii  profita  tellement  en  peu  de  temps,  qu'on  ne  le  tenoit  pour  escolier,  mais  comme  l'un  des  Docteurs  ordinaires:  comme  aussi  il  estoit  plus  souvent  enseigneur  qu'auditeur:  et  luy  fut  offert  de  le  passer  Docteur  pour  rien,  ce  que  toutesfois  il  refusa.  4*