16:54  legio  vestro  minus  placere  quae  de  sacramentis  trado,  antevertere  visum  est,  ne  quid  dissidii  silentio  meo  vel  dissimulatione  foverem.  Certe  ut  non  libenter  me  obtrudo,  ita  si  quispiam  vestrum  mea  doctrina  offenditur,  nulla  ad  eum  placandum  satisfactionis  ratio  a  me  negligetur.  Quod  si  ad  offensiones  tollendas  utilis  mea  ad  vos  profectio  esse  videbitur,  quamvis  longum  et  incommodum  esset  iter,  nihil  tamen  molestiae  recuso.  Nam  quum  hoc  studium  sanctae  inter  nos  concordiae  mihi  debere  videor:  tum  vero  quia  amplissimus  senatus  summa  humanitate  oblatam  sibi  dicatamque  Harmoniam  amplexus  est,  literisque  testatus,6)  sibi  gratum  munus  fuisse  ac  iucundum,  ita  me  sibi  devinxit,  ut  hoc  suo  merito  a  me  officium  exigere  videatur.  Neque  tam  mea  causa  laboro,  quam  ut  peregrinos  fratres  quibus  hospitium  Dominus  in  urbe  vestra  concessit,  sincera  dilectione  amplectamini.  Audio  enim,7)  nescio  quid  litium  et  vexationis  metuere  quod  eorum  quietem  perturbet.  Porro  quum  sciatis  partem  vi  et  tyrannide  hostium  Christi  patria  expulsam  ad  vos  migrasse,  partem  vero,  ut  vobiscum  puram  Christi  fidem  profiteretur,  voluntario  se  exsilio  multasse  :  quantam8)  aliis  misera  sua  conditio,  aliis  prompta  ad  sequendum  Christum  alacritas  gratiam  conciliare  debeat,  apud  vos  disserere  supervacaneum  9)  foret.  Imo  si  quae  in  ipsis  desideretis,  ut  forte  eos  suis  vitiis  laborare  credibile  est,10)  venia  tamen  et  facilitate  scitis  ferendos  esse.  Potius  vero  quam  ut  in  certamen  erumpat  si  qua  hactenus  occulta  fuit  simultas,  quascunque  mihi  partes  imponere  voletis,  suscipere  paratus  sum.  Certe  ad  pacificationem  utrisque  fidus  semper  ero  et  hortator  et  adiutor.  Valete,  carissimi  et  ex  animo  vere  colendi  fratres.  Dominus  vos  spiritu  prudentiae,  fortitudinis  et  mansuetudinis  gubernet  laboresque  vestros  benedicat.  Amen.  Genevae  6.  Nonas  Martii  1556.  Frater  et  symmysta  vobis  in  Christo  vere  11)  coniunctus  Ioannes  Calvinus.  6)  Non  exstant.  7)  ex  Pollano  puta  N.  2385.  8)  quantum  Beza;  quaeque  Mittes.  9)  supervacuum  JEJdd.  10)  Et  sane  ipsorum  contentiones  multum  iis  nocuerunt  apud  ministros.  11)  Domino  Ritier.  .  Subscriptio  tota  Calvini  manu.