15:54  nonnulla  spe  confirmatus,  et  se  non  palam  cognitum  iri  arbitratus,  ut  per  Sedunenses  in  Italiam  quam  citissime6)  emigraret,  iter  suum  illac  satia  infeliciter  instituerat.  Genevae  autem  quum  esset  paenula  et  pileo  tectus  concionantem  ministrum  pedibus  suis  stans  diligenter  audivit.  Verum  a  nonnullis  cognitus  et  deiectus  eo  ipso  die  comprehensus  et  carceri  commendatus  fuit.  Res  sic  habet:  Accititius  quidam  minister  aut  ministri  puer,  imo,  ut  plerique  aiunt,  ipsius  ecclesiastae  coquus,7)  magistratum  adiit  exponens  adesse  illic  haeresiarcham  Servetum  qui  sanctissimam  trinitatem  pernegaret  et  Cerberum  tricipitem  appellaret,  in  ipsam  Genevam  et  eius  ministros  perpetuo  contumeliosum,  et  pleraque  alia  de  homine  magistratui  persuadens,  viatoris  sibi  copiam  fieri  postulans  ut  confestim  detineretur,  ne  ullo  pacto  elabi  posset,  se  cum  illo  carceribus  offerens  donec  utrique  ius  fieret.  Sic  enim  illic  nescio  quo  more  receptum  est  ut  quicunque  peregrinus  et  advena  illac  transiens  possit  per  quemvis  alium  de  quovis  facto  etiam  apud  Indos  patrato  postulari  et  reus  fieri,  dummodo  accusator  se  talioni  subiiciens  offerat  se  una  cum  accusato  iudicium  et  censuram  dicti  magistratus  se  in  carceribus  subiturum,  donec  uterque  vel  alteruter  sibi  sponsorem  inveniat  de  iuri  stando  vel  iudicato  parendo.  Nunc  audite  tragoediam.  Probus  minister  vel  coquus  postulato  reo  confestim  sponsorem  adinvenit,  pauper  Servetus  nullo  reperto  fideiussore  in  carceres  male  detruditur,  illinc  non  cxiturus  donec  de  pelle  sua  nundinatio  peragatur.  Accusator  personatus  facto  liber  et  securus  evasit.  Nunc  qualis  scenae  introitus,  dispicite.  Quaeso  vos,  pii  et  nullo  affectu  polluti,  si  accusator  in  capitali  causa  debuit  fideiussoribus  liberari?  si  talioni  obstrictus  iure  dimitti  potuit,  reo  carceribus  mancipato?  Quid  si  Michael  aequiores  et  rectos  iudices  nactus  universalis  concilii  sententia  absolvendus  fuisset  et  accusator  talionis  poena  feriendus,  numquid  et  fideiussor  ad  capitalem  poenam  vocatus  esset?  numquid  sponsor  ad  flammas  deductus,  alienum  facinus  suo  corpore  luiturus?  Atqui  naturae  ratio,  aequitas  et  iuris  censura  huic  ordini  refragantur.  Constat  enim  pro  accusatore  capitali  sponsorem  seu  fideiussorem  recipiendum  non  esse,  sed  ipsum  una  cum  reo  postulato  personaliter  detinendum,  donec  de  alterutrius  crimine  vel  innocentia  plene  cognitum  sit.  Videtis  igitur  quale  fuerit  initium  Servetani  processus,  quanta  aequitatis  et  iustitiae  observatio.  Iam  puto  vos  progressum  reliquamque  tragoediae  6)  Trechselius  I  228  eum  per  totum  mensem  Genevae  commoratum  fuisse  sine  teste  perhibet.  7)  Me.  de  la  Fontaine,  olim  Fallesii  domesticus,  nunc  Calvini  {Tom.  VIII.  727).  4*