11:54  restinguent,  modo  dexteritatem  quam  potest  adhibeat.  Vale,  frater  mi  integerrime.  Cogor  enim  hic  abrumpere  sermonem,  quia  nimis  sero  exorsus  sum.  Salu  tabis  mihi  omnes  fratres  amicissime,  Capunculum,  Corderium,  Thomam,  Michaelem,  Fatonum  et  alios.  Benedictus  Dominus  qui  virtute  sua  vobis  adfuit  in  subigenda  illa  bestia  quae  adversus  gloriam  ipsius  cornua  extulerat.  Saluta  etiam  mihi  diligenter  fratrem  Gaucherium  cum  uxore.  Dominus  vos  incolumes  servet.  Nostri  omnes  te  salutant.  Argentorati  21.  Iunii.  Calvinus  tuus.  222.  BUCERUS  MINISTRIS  BERNENSIBUS.  Quem  Genevenses  iam  sibi  expetunt  Calvinum,  is  Argentorati  tam  necessarius  est  ut  magis  alibi  non  posset.  Ipsa  Argentoratensis  ecclesia  inter  omnes  eminet  et  plurimis  pro  seminario  est  cui  suum  decus  suaeque  vires  adimi  nequeunt.  Iam  et  Metensibus  prospiciendum,  et  Calvini  praesentia  Hagenoae  requiritur.  (Ex  apographo  Ionvillaei  quod  exstat  in  Cod.  Genev.  196,  fol.  80  in  cuius  tergo  legitur  manu  Farelli  scriptum:  Ad  pastores  Bernenses  Buc.  mense  Iun.  1540.)  Gratia  et  pax,  viri  optimi,  fratres  carissimi.  Venit  huc  Pharellus  noster  ferens  multorum  fratrum  et  mandata  et  literas  ad  carissimum  fratrem  nostrum  Calvinum  et  nos,  quibus  a  nobis  contendunt,  ne  quid  obstare  patiamur  quominus  obsequatur  Calvinus1  vocationi  Genevatium,  qua  hi  illum  pastorem  suum  repetunt.  Gaudendum,  fateor,  nobis  est  quod  illi  ad  se  redeunt  et  se  Christum  in  ministris  eius  expulisse  agnoscunt.  At  nihilominus  id  etiam  videndum,  ne  inde  ubi  Domino  hic  plus  quam  Genevae  fructus  adferre  potest  avocetur.  Extra  Witembergam  haud  ita  multae  ecclesiae  sunt  praeter  nostram,  ubi  et  ministri  et  magistratus  curam  suam  longe  ultra  et  suos  et  quos  nunc  habent  extendant,  si  cuique  ecclesiae  res  sua  salva  esse  videatur.  De  aliis  ecclesiis,  aut  etiam  posteritate,  non  valde  sollicitas  videas.  Nostrum  itaque  esse  merito  arbitramur,  ut  demus  operam  ne  id  studii  pro  aliis  et  futuris  ecclesiis,  quod  dominis  nostris  dedit,  exstinguatur,  et  hoc  qualecunque  instituimus  seminarium  sacri  ministerii  dilabatur.  Ad  eam  autem  rem  valde  necessaria  nobis  est  opera  Calvini  nostri.  Praelegit  in  theologia  admodum  feliciter,  et  ad  defendendum  contra  sophistas  impios  evangelium  Christi  plurimum  institutus  est,  non  tantum  eruditione  rara  sed  etiam  4*