9:539  539  RESPONSIO  540  sapere,  nunc  ad  libere  loquendum  incitant:  praesertim  quum  in  medio  contextu  laudetur  calliditas,  non  esse  quod  sentias  passim  et  ubique  dicendum.  Ad  caeremonias  dum  ventum  est,  quae  a  Christo  institutae  sunt  ad  colligendam  novi  populi  societatem  et  sacramenta  vocantur,  statuit  caste  et  integro  observandas  :  nihil  eorum  institutioni  tanquam  mutilatis  et  imperfectis  addendum,  neque  ut  superfluis  detrahendum.  Est  hoc  quidem  aliquid,  quamvis  non  totum:  quia  alios  omnes  ritus  obliquo  artificio  [pag.  48]  in  ecclesiam  admittit.  Sed  haec  dimidia  veritas  quam  extorsit  pudor,  altero  post  versu  evertitur,  quando  apostolis,  eorumque  successoribus  ius  concessum  esse  credit  caeremonias  instituendi,  quae  in  sacramentis  administrandis  ornatus  loco  accederent.  Ergo  qui  nihil  addendum  confessus  erat,  nunc  adventitias  traditiones  non  modo  admittit,  sed  etiam  commendat.  Verum  arguto  effugio  se  expediet:  modo  ne  sacramenta  putentur  mutila  aut  imperfecta,  ferendas  esse  accessiones.  Ita  quibuscunque  mixturis  prope  in  novam  figuram  mutata  fuerint  sacramenta,  [pag.  49]  nihil  erit  vitii:  modo  ne  palam  Christo  exprobretur,  mancum  esse  vel  mutilum  quod  instituit.  Scio  equidem  quam  vetusta  sit  origo  exsufflationis  et  chrismatis,  atque  etiam  paschalis  cerei  :  his  postea  accessit  sputum  sale  mixtum,  aliaeque  multae  insulsitates.  Si  quis  haec  additamenta  repudiet,  uno  verbo  lis  dirimetur  :  optimo  consilio  Christi  institutioni  adiuncta  fuisse:  quoniam  ipsa  baptismi  actio  nullo  splendore  ornata  per  se  frigeret.  Quasi  vero  per  incogitantiam  haec  utilitas  Christum  fugerit,  neque  satis  providerit,  oleo  et  cerei  lumine  non  minus  quam  aqua  repraesentandam  [pag.  50]  esse  spiritus  gratiam.  Porro  quae  ab  ipsis  ecclesiae  initiis  per  universum  orbem  summo  consensu  ad  nos  propagatae  sunt  caeremoniae,  quum  earum  rationes  perpetuae  sint,  perpetuam  quoque  observantiam,  censoris  iudicio,  esse  convenit.  Sed  quomodo  hoc  cum  proxima  pagina  conveniat  non  video:  ubi  dicit  ritus  quosdam,  qui  per  universum  fere  orbem  olim  observabantur,  quia  non  tantum  habebant  momenti,  aut  temporum  commutatione  utiles  esse  desierant,  aut  intemperantia  populi  in  abusionem  venerant,  paulatim  desuetudine  esse  abrogatos.  Ubi  igitur  perpetua  [pag  51]  ratio,  ex  qua  perpetuam  observandi  legem  nuper  ducebat?  Itane  homini  arreptitio,  qui  sui  repente  oblitus  secum  pugnat,  se  totus  orbis  subiiciet  ad  dissensiones  eius  arbitrio  sedandas?  At  Augustinum  habet  patronum.  Quid  ille?  Si  quid  scripturae  divinae  praescribit  autoritas,  non  esse  dubitandum  quin  ita  facere  debeamus  ut  legimus.  Ergo  scriptura  per  se  conscientias  stabiliet,  nec  iam  erit  inutilis,  quamvis  traditione  ἀγράφῳ  non  adiuta.  Si  quid  vero  tota  per  orbem  frequentat  ecclesia  (idem  Augustinus  pronunciat),  vocare  in  controversiam,  insolentissimae  esse  insaniae,  [pag.  52]