7:539  539  CONTRE  L'ASTROLOGIE  540  pour  l'abus  des  affronteurs,  ou  bien  que  le  nom  en  a  este  odieux  aux  ignorantz,  sans  savoir  pourquoy:  car  Dieu,  comme  iuge  de  la  police  d'Israel,  a  fait  une  ordonnance  encores  plus  rigoreuse  contre  eux,  c'est  que  tous  fussent  mis  a  mort  avec  leurs  complices  (Levit.  20,  6).  Mais  prenons  le  cas  que  ce  fust  chose  permise  des  hommes.  Puis  que  nous  voyons  quo  Dieu  la  deteste  tant,  quelle  folie  est-ce  3e  la  vouloir  conioindre  avec  la  Chrestiente,  comme  si  on  vouloit  accorder  le  feu  avec  l'eau?  1)  Et  c'est  merveilles  que  ceux  d'Ephese,  qui  avoyent  este  adonnez  a  folles  curiositez!,  apres  avoir  creu  en  Iesus  Christ  ont  brusle  leurs  livres,  comme  sainct  Luc  le  recite  aux  Actes  (19,  19);  et  maintenant  qu'il  y  en  a  de  si  pervers,  qu'il  semble  que  la  cognoissance  de  Iesus  Christ  ne  leur  serve,  sinon  pour  aiguiser  leur  appetit  a  cercher  toutes  vanitez  frivoles.  Ceste  diversite  est  par  trop  grande,  que  les  uns,  si  tost  qu'ilz  ont  gouste  que  c'est  de  l'Evangile,  renoncent  aux  divinations  ausquelles  ilz  s'estoyent  amusez  toute  leur  vie:  et  les  autres,  souz  ombre  d'avoir  cogneu  la  verite  de  Dieu,  soyent  incitez  de  s'y  adonner,  [page  52]  n'ayantz  iamais  sceu  que  c'estoit:  que  ceux  dont  parle  sainct  Luc  ayent  brusle  des  livres  iusqu'a  la  valeur  de  cinq  mille  francz,2)  et  que  ceux  icy  soyent  tellement  enchantez  d'une  vaine  imagination  qu'ilz  ont  conceue,  qu'ilz  y  consument  toute  laur  substance.  Mesmes  il  faut  noter  que  sainct  Luc  ne  dit  point  que  ce  fussent  artz  meschans  ou  diaboliques:  mais  il  les  nomme  Perierga,  qui  signifie  curiositez  frivoles  ou  inutiles.  Non  pas  qu'a  la  verite  ce  ne  fussent  choses  meschantes;  mais  afin  de  fermer  la  bouche  a  ceux  qui  ne  demandent  qu'a  trouver  des  eschappatoires,3)  comme  nous  voyons  que  font  noz  Mathematiciens:  lesquelz  sont  d'autant  pires  que  leur  pere  Simon  magicien,  que  luy,  voyant  la  vertu  de  Iesus  Christ,  en  est  si  estonne,  que  son  art  ne  luy  est  rien  au  pris.  Et  combien  qu'il  soit  si  mal-heureux4)  de  vouloir  achetter  par  argent  la  grace  du  sainct  Esprit,  si  est-ce  neantmoins  qu'il  recognoist  que  la  vertu  du  Filz  de  Dieu  obscurcit  toute  la  science  qu'il  avoit  pense  avoir.  Ceux-cy,  ayantz  este  illuminez  de  Dieu  pour  cognoistre  sa  verite,  en  destournent  leurs  yeux,  et  les  iettent  en  tenebres  mortelles,  et  ayment  mieux  estre  esblouis  en  leurs  mensonges  que  de  iouyr  de  la  clarte  celeste,  en  laquelle  nous  avons  vie  et  salut.  in  haereditate  libros  improbatae  lectionis,  magicos  forte  vel  similes  (his  enim  ipsis  verbis  utitur)  eos  corrumpat.  Sed  quid  haec  nos  testimonia  persequimur.  Exstat  ipsius  Dei  lex  ete.  1)  quasi  quis  cum  luce  tenebras  conciliet.  2)  denarium  quinquaginta  millium.  3)  ut  illis  omnem  tergiversandi  occasionem  rescinderet,  qui  diverticula  tantum  et  flexiones  quaerunt.  4)  miser  ac  perditus