5:539  ACTES  DE  RATISBONNE.  laquelle  est  signifie  que  ceux  qui  sont  esleuz  a  cest  office  sont  confirmez  pour  l'oeuvre  du  ministere,  et  qu'ilz  recoivent  la  puissance  de  prescher  la  parolle,  consacrer  l'Eucharistie,  administrer  les  Sacremens,  mettre  en  l'Eglise  toutes  choses  en  ordre  pour  edification  et  pour  reprimer  les  rebelles  et  vitieux.  Or  la  vertu  de  ce  Sacrement  comprend  la  puissance  de  l'ordre  et  de  iurisdiction.  La  puissance  de  Tordre  contient  predication  de  la  parolle  et  administration  des  Sacremens  et  ordination  des  Eglises  a  edification.  Iurisdiction  emporte  puissance  d'excommunier  les  rebelles  et  d'absouldre  les  repentans.  Quant  aux  ordres  qui  sont  en  l'Eglise,  les  uns  sont  dictz  grans,  les  aultres  petis,  comme  de  Prestres,  Diacres,  soubz  Diacres.  Acoluthes,  Lecteurs,  Exorcistes  et  Portiers:  desquelz  l'usage  et  administration  [fol.  32]  legitime,  on  demande  estre  restitue  selon  la  reigle  et  coustume  de  l'Eglise  ancienne.  Au  surplus  on  doit  mettre  ceste  difference  entre  les  Sacremens,  qui  sont  exhibez  en  l'Eglise  par  ministere  publique,  et  par  lesquelz  la  grace  par  la  bonte  de  Dieu  est  donnee  aux  fideles,  en  telle  sorte  qu'aucuns  sont  les  plus  excellens  et  principaux:  comme  Baptesme,  Ordre,  Eucharistie  et  absolution:  sans  lesquelz  l'Eglise  ne  peult  demourer  en  son  entier:  les  aultres  sont  donnez  et  instituez  a  celle  fin  qu'ilz  soient  signes  sacrez  pour  le  soulagement  et  medecine  de  l'infirmite  humaine:  mais  non  pas  si  necessaires  comme  les  premiers,  que  nous  avons  mis,  ia  Soit  qu'ilz  soient  fort  utiles  et  salutaires,  moyennant  toutesfoys  qu'ilz  soient  administrez  et  receuz  en  bonne  foy  et  devotion.  Du  Sacrement  de  Baptesme.  Le  Sacrement  de  Baptesme  a  commandement  de  Dieu  et  divine  promesse  qui  est  contenue  en  ces  parolles:  Allez  et  enseignez  toutes  gens,  les  baptizans  au  Nom  du  Pere  et  du  Filz  et  du  S.  Esprit.  Et:  Qui  croyra  et  sera  baptize  sera  sauve.  Or  son  element,  selon  la  generale  forme  dm  Baptesme,  est  l'eaue,  selon  ceste  parolle  de  Christ:  Si  aucun  n'est  regenere  d'eaue  et  d'esprit,  il  ne  pourra  entrer  au  Royaume  de  Dieu  (Iean  3,  5).  Car  le  Baptesme  est  le  lavement  d'eaue  en  la  parolle  de  vie  (Ephes.  5,  26);  non  par  lequel  les  souilleures  du  corps  sont  lavees:  mais  par  lequel  il  advient  que  la  bonne  conscience  respond  devant  Dieu  (1  Pierre  3,  21),  par  la  resurrection  de  Iesus  Christ,  qui  est  a  la  dextre  du  Pere,  qui  a  englouty  la  mort,  a  celle  fin  que  nous  soyons  faictz  heretiers  de  la  vie  eternelle.  Donc  la  vertu  du  Baptesme  est,  d'estre  par  vertu  divine  nettoye  de  tout  peche,  i'entend  en  ceux  qui  y  viennent  deuement  et  sans  hypocrisie,  et  estre