48:539  539  IN  ACTA  APOSTOLORUM  540  asserendis  fidei  dogmatibus  ratio,  ut  praeeat  Dei  autoritas:  deinde  accedat  ecclesiae  suffragatio.  Quamquam  simul  prudenter  habendus  est  verae  ecclesiae  delectus:  sicuti  nos  exemplo  suo  hic  Paulus  docet.  Quamvis  enim  sciret  ecclesiae  larvam  contra  se  a  sacerdotibus  obtendi:  intrepide  tamen  sinceros  Dei  cultores  a  sua  parte  stare  affirmat,  et  illorum  patrocinio  contentus  est.  Nam  quum  duodecim  tribus  nominat,  non  permiscet  omnes  qui  secundum  carnem  ex  Iacob  erant  progeniti:  sed  eos  tantum  intelligit,  qui  verum  pietatis  studium  retinebant  Neque  enim  consentaneum  fuisset,  promiscue  laudare  gentem  ipsam  a  timore  Dei,  qui  non  nisi  in  exiguo  numero  vigebat  In  utroque  praeposteri  sunt  papistae  :  quia  et  hominum  suffragiis  obruunt  verbum  Dei,  et  mixtam  ex  indoctis  vel  impuris  hominibus  colluviem  catholicae  ecclesiae  titulo  sine  colore  vel  pudore  insigniunt.  Atqui  ut  cum  vera  ecclesia  nos  sentire  probemus,  a  prophetis  et  apostolis  incipere  convenit:  deinde  illis  aggregandi  sunt,  quorum  nota  et  testata  est  pietas.  Si  a  nobis  dissidet  papa  cum  suo  clero,  non  est  quod  magnopere  simus  anxii.  Probatur  autem  religionis  verus  affectus  ab  assiduitate  et  vehementia:  quod  illo  maxime  tempore  rarae  virtutis  fuit,  dum  miserrime  afflictabantur  Iudaei.  8.  Cur  incredibile.  Non  dubito  quin  et  rationibus  et  scripturae  testimoniis  asseruerit  quod  de  resurrectione  et  coelesti  vita  tradebat.  Caeterum  merito  ad  Dei  potentiam  revocat  quos  alloquitur,  ne  ex  sensus  sui  modulo  de  illa  iudicent.  Nihil  enim  ad  persuadendum  magis  difficile  quam  futura  corporum  instauratio,  ubi  in  nihilum  redacta  fuerint.  Ergo,  quia  mysterium  est  longe  altius  humano  ingenio,  meminerint  fideles  hic  reputandum  esse  quam  late  pateat  immensa  Dei  virtus,  non  quid  ipsi  apprehendant:  sicuti  idem  Paulus  admonet  3  ad  Philipp,  cap.  (v.  21).  Nam  ubi  corpus  nostrum  humile  transfigurandum  dixit  corpori  Christi  glorioso,  continuo  post  addit:  Secundum  efficaciam,  qua  potest  sibi  subiicere  omnia.  Sed  ut  plurimum  maligni  in  Deum  et  iniurii  sunt  homines,  qui  longius  extendi  nolunt  eius  brachium  quam  pertingat  ipsorum  sensus:  ita,  quantum  in  se  est,  operum  eius  magnitudinem,  quae  coelum  et  terram  exsuperat,  restringere  cuperent  ad  suas  angustias.  Contra  vero,  Paulus  quid  possit  Deus  expendere  nos  iubet,  ut  supra  mundum  erecti,  ex  omnipotentia  illius,  non  imbecillo  mentis  nostrae  captu,  fidem  resurrectionis  concipere  discamus.  9.  Et  ego  quidem  existimabam  me  adversus  nomen  Iesu  Nazaraeni  multa  repugnando  facturum.  10.  Quod  et  feci  Ierosolymis,  et  multos  sanctorum  ego  carceribus  inclusi,  a  principibus  sacerdotum  potestate  accepta.  Et  quum  occiderentur,  detuli  sententiam,  ll.  Et  per  omnes  synagogas  frequenter  puniens  eos,  compellebam