40:539  539  PRAELECTIONES  540  quirit  in  illis  scientiam,  et  peritiam,  posset  videri  absurdum.  Neque  enim  aetas  ferebat,  ut  essent  tanta  prudentia,  et  tanta  scientia  vel  experientia  instructi.  Sed  scimus  reges  nihil  mediocre  requirere:  quum  iubent  sibi  hoc  vel  illud  parari,  semper  conscendunt  supra  nubes.  Sic  ergo  loquitur  Nebuchadnezer:  et  Daniel,  qui  refert  eius  mandata,  loquitur  more  regali,  quod  scilicet  rex  iusserit  sibi  deligi  praestantissimos  quosque,  ita  ut  in  singulis  fulgeret  aliquid  mirabile.  Non  est  igitur  cur  hic  anxie  disputemus  de  scientia,  peritia  et  prudentia.  Simpliciter  enim  rex  voluit  sibi  adduci  pueros,  et  eos  quidem  adolescentes,  ingeniosos,  et  in  quibus  esset  talis  dexteritas,  ut  apti  essent  et  idonei  ad  discendum:  deinde  qui  diserti  essent  natura:  postremo  qui  corpore  essent  vegeto.  Nam  sequitur  statim,  ut  discerent  vel  docerentur  literaturam  et  linguam  Chaldaeorum.  Videmus  ergo  regem  Nebuchadnezer  non  flagitasse  sibi  doctores,  sed  pueros  bene  natos  (ut  iam  diximus),  hoc  est,  rarae  indolis,  et  qui  optimam  spem  de  se  facerent.  Volebat  enim  illos  liberaliter  institui  in  doctrina  Chaldaeorum.  Ergo  noluit  habere  eos  iam  politos,  et  exculto  ingenio,  sed  potius  spectavit  naturam.  Quod  voluit  eos  linguam  chaldaicam  discere,  huc  spectabat  consilium,  ut  paulatim  desciscerent  a  gente  sua,  et  obliviscerentur  se  esse  Iudaeos,  et  assuescerent  etiam  ad  chaldaicos  mores,  quemadmodum  lingua  est  singulare  vinculum  communicationis.  Quantum  ad  ipsam  literaturam  spectat  potest  hic  quaeri  an  Danieli  et  sociis  eius  licuerit  artes  illas  discere  plenas  imposturis.  Scimus  enim  qualis  fuerit  chaldaica  doctrina.  Nam  profitebantur  se  tenere  cuiusque  fatum,  quemadmodum  hodie  multi  adhuc  sunt  impostores  in  mundo,  qui  se  genethliacos  vocant.  Abusi  sunt  olim  honorifico  nomine,  quum  se  vocabant  mathematicos.  Quasi  vero  nulla  sint  mathemata  sine  illis  praestigiis  et  illusionibus  diaboli.  Et  quoniam  usitatum  erat  illud  nomen,  etiam  Caesares  in  suis  legibus  coniungunt  Chaldaeos  et  mathematicos:  ut  sint  illae  voces  mihi  synonymae.  Caeterum  solutio  facilis  est,  nempe  quod  Chaldaei  non  tantum  sectati  fuerint  astrologiam,  quae  vocatur  iudiciaria,  sed  fuerint  etiam  periti  verae  et  genuinae  astrologiae.  Veteres  enim  dicunt  observatum  fuisse  cursum  astrorum  a  Chaldaeis,  quod  nulla  regio  in  mundo  esset  tam  plana,  ad  patefaciendum  quaquaversus  orizontem.  Quum  ergo  Chaldaeis  iam  illa  oblata  esset  commoditas,  ut  coelum  quatenus  patet  hominum  adspectui  posset  ab  illis  considerari,  ideo  magis  fuerunt  propensi  ad  discendam  astrologiam.  Sed  ut  propensa  sunt  hominum  ingenia  ad  vanas  et  stultas  curiositates,  non  contenti  fuerunt  illa  legitima  scientia,  sed  delapsi  etiam  sunt  ad  stultas  imaginationes  et  perversas.  Nam  mera  deliria  sunt  quaecunque  traduntur  ab  istis  genethliacis  de  fato