35:539  539  SECOND  SERMON  540  sa  maison,  et  sous  sa  conduite  que  de  nous  en  eslongner,  comme  povres  gens  desesperez.  Que  non  seulement  il  nous  face  ceste  grace,  mais  a  tous  peuples  etc.  SECOND  SERMON.  12.  Ma  vie  est  retiree,  elle  est  changee  comme  la  loge  d'un  berger.  Fay  coupe  mes  iours  comme  un  tisserand:  il  m'a  opprime  par  maladie.  Du  matin  a  la  nuict  tu  me  consumeras.  13.  Ie  contoye  d'aller  iusqu'au  matin,  il  a  brise  mes  os  comme  un  lion.  Tu  me  destruiras  du  matin  a  la  nuict,  et  me  desferas.  14.  Ie  gasouilloye  comme  la  grue  et  Varondelle:  gemissant  comme  une  colombe:  mes  yeux  estoyent  dresses  en  haut  et  defailloyent.  Le  mal  me  force,  Seigneur  allege-moy.  15.  Que  diray-ie?  Luy  qui  Va  dit,  il  Va  aussi  fait.  Ezechias  continuant  le  propos  qui  fut  hier  traitte,  dit  yci  que  sa  vie  a  este  changee  comme  une  loge  de  berger.  Par  ceste  similitude  il  monstre  qu'il  n'y  a  nul  arrest  en  la  vie  des  hommes,  et  qu'il  l'a  experimente  en  soy,  d'autant  qu'il  estoit  comme  en  repos,  et  en  un  moment  Dieu  l'a  retire  de  ce  monde.  Quand  nous  ferons  comparaison  de  nos  corps  avec  les  maisons  ou  nous  sommes  logez,  il  semble  bien  qu'au  corps  de  l'homme,  qui  est  plus  que  la  maison,  il  y  doit  avoir  quelque  arrest:  car  la  maison  qu'est-ce  sinon  un  accessoire  du  corps?  Or  on  bastist  pour  l'usage  des  hommes:  celuy  donc  qui  habite  en  quelque  edifice  doit  estre  prefere  a  la  maison,  comme  aussi  bien  le  corps  a  la  robbe,  et  a  tous  accoustremens.  Or  yci  Ezechias  dit  qu'il  a  este  loge  en  ce  monde  comme  un  berger  qui  aura  sa  petite  loge  laquelle  il  traine  et  porte  ca  et  la.  Il  parle  selon  la  coustume  du  pays,  pource  que  la  on  parque,  et  un  berger  trainera  sa  loge  aussi  aiseement  comme  on  porteroit  yci  une  chose  bien  legere.  Il  monstre  donc  en  somme  que  sa  vie  n'a  este  qu'un  tracassement,  et  que  Dieu  l'a  incontinent  changee.  Or  il  parle  de  l'opinion  qu'il  avoit  conceue:  car  il  estoit  comme  sur  le  bord  de  sa  fosse.  Et  defaict  il  faloit  bien  qu'il  se  disposast  a  mourir,  puis  que  Dieu  luy  avoit  envoye  un  tel  message,  comme  nous  avons  dit.  Brief  il  parle  comme  si  desia  la  chose  estoit  advenue.  Or  la  dessus  il  revient  a  la  cause  de  son  mal,  et  confesse  qu'il  en  est  coulpable.  Il  dit  donc  que  luy-mesme  a  coupe  ses  iours:  comme  si  un  tisserand,  ayant  une  toile  sur  son  mestier,  coupoit  tout.  Il  ne  faut  point  donc  (dit  Ezechias)  que  i'accuse  personne  :  car  ce  mal  doit  estre  impute  a  moy  seul,  car  i'ay  provoque  l'ire  de  Dieu,  ie  me  suis  prive  de  sa