32:539  539  CINQUIEME  SERMON  540  quand  Dieu  nous  aura  donne,  et  eslargy  beaucoup  de  graces,  ce  sera  alors  que  nous  serons  tant  mieux  advertis  de  nos  miseres  et  povretez  :  afin  de  le  prier  qu'il  y  remedie,  qu'il  pourvoye  a  tous  nos  maux,  et  a  tous  nos  vices.  Or  il  adiouste,  Vivifie-moy  en  ta  voye,  comme  en  la  fin  il  dit,  Vivifie-moy  en  ta  iustice.  Cecy  peust  estre  expose  doublement:  Vivifie-moy  en  ta  voye,  c'est  ascavoir,  Seigneur,  fay  que  cheminant  selon  ta  Parole  ie  vive.  Ou  bien,  Seigneur,  donnenioy  vigueur  afin  que  ie  suyve  ta  Parole.  Nous  scavons  qu'en  nous  destournant  de  Dieu,  nous  ne  pouvons  sinon  faire  tout  mal,  car  quelle  est  la  voye  de  vie  sinon  celle  que  Dieu  nous  monstre  et  a  laquelle  il  nous  appelle?  Tous  ceux  donc  qui  delaissent  la  Parole  de  Dieu,,  les  voyla  esgarez,  les  voyla  en  la  mort  et  en  perdition  eternelle.  Ainsi,  ce  n'est  pas  sans  cause  que  David  demande  d'estre  vivifie  en  la  voye  du  Seigneur:  comme  s'il  disoit,  que  tous  ceux  qui  delaissent  Dieu,  et  le  chemin  qu'il  leur  monstre,  sont  damnez,  perdus,  et  ruinez.  Mais  quant  au  vray  sens  du  passage,  il  nous  faut  noter  que  David  a  voulu  plustost  signifier,  que  les  hommes  d'eux-mesmes  sont  comme  morts,  qu'ils  n'ont  nulle  vertu  quand  il  est  question  de  cheminer  selon  Dieu.  Il  est  vray  quant  au  mal,  nous  n'y  sommes  que  trop  puissans  et  robustes  :  nous  y  sommes  si  diligens  que  rien  plus:  brief,  il  n'y  a  celuy  qui  n'y  soit  trop  habile:  mais  quand  ii  est  question  de  cheminer  selon  les  commandemens  de  Dieu,  nous  ne  pouvons  pas  remuer  un  doigt:  nous  aurons  et  bras  et  iambes  rompues:  brief,  nous  ne  sommes  pas  debiles  tant  seulement  en  cela,  mais  nous  sommes  morts  du  tout.  Les  Papistes  confesseront  bien  que  les  hommes  sont  infirmes,  qu'ils  ne  peuvent  pas  satisfaire  a  la  Loy  de  Dieu,  sinon  qu'ils  soyent  aidez:  et  leur  semble  que  c'est  assez  que  Dieu  face  quelque  signe  d'aider  a  leur  foiblesse,  comme  si  on  tendoit  la  main  a  un  petit  enfant  pour  luy  dire,  Vien  ca,  et  qu'il  vienne,  et  qu'on  face  semblant  de  le  conduire,  et  cependant  qu'on  le  laisse  aller.  Voyla  comme  les  Papistes  amoindrissent  la  grace  de  Dieu.  Mais  au  contraire  l'Escriture  nous  dit,  que  nous  sommes  comme  morts,  c'est  a  dire,  qu'il  n'y  a  point  une  seule  goutte  de  vertu  en  nous.  Et  pour'  cela  David  demande  d'estre  vivifie  en  la  voye  du  Seigneur.  Comme  s'il  disoit,  Seigneur,  ie  suis  vivant,  voire  a  mal,  car  toutes  mes  forces  tendent  la,  et  s'y  desployent.  Ainsi,  Seigneur,  maintenant  que  tu  me  donnes  une  vie  toute  diverse:  c'est  ascavoir,  que  ie  m'esvertue  a  te  servir,  que  ie  soye  ardent  et  enflamme,  la  ou  auparavant  i'y  estoye  si  tardif,  voire  du  tout  irnpotent.  Or  il  adiouste,  Estably  ta  Parole  a  ton  serviteur,  lequel  est  a  ta  crainte.  Quand  il  demande  que  Dieu