9:538  ecclesiae  traditioni  adversae,  et  per  errorem,  vel  imperitiam,  vel  ambitionem  postremis  his  et  corruptissimis  temporibus  invectae  sunt.  Eas  ut  fermentum  vitandas  et  cavendas  non  negat:  sic  tamen  ut  privato  homini  temere  apud  quosvis  contendendum  non  putet,  ubi  certa  offensio:  utilitatis  et  profectus  nulla  spes.  Expendant  lectores  in  hoc  ordine  ex  [pag.  43]  immensa  errorum  congerie  quae  in  mundo  grassatur,  nullum  prorsus  comprehendi.  Nuper  de  posteriorum  temporum  corruptelis  disseruit:  eas  de  quibus  nunc  habet  sermonem,  restringit  ad  postrema  haec  et  corruptissima  tempora.  Atqui  ex  tot  erroribus,  de  quibus  hodie  nobis  certamen  est,  et  quos  obstinate  papistae  tuentur,  fateor  vix  ullum  reperiri  qui  non  sit  centenarius.  Traditiones  nondum  attingo,  quarum  mentio  paulo  post  fiet.  Falsas  et  impias  doctrinas,  quibus  adulterata  est  tota  religio,  iam  ante  nostram  et  patrum  aetatem  fabricavit  Satan.  Ergo  quacunque  parte  aggrediamur  [pag.  44]  papatum,  hoc  propugnaculo  munitus  erit,  pro  fermento  non  esse  habendum  nisi  quod  postremis  annis  invectum  sit.  Dicemus  puram  et  legitimam  Dei  invocationem  corrumpi,  dum  ad  patrocinium  mortuorum  confugitur.  Facessat  omnis  disceptatio:  quia  res  tot  saeculis  comprobata  traditio  est.  Dicemus  tyrannicam  esse  legem,  et  sacrilegae  audaciae  plenam,  imo  diabolici  furoris,  dum  quisque  iubetur  quotannis  proprio  sacerdoti  omnia  peccata  confiteri  :  atqui  saeculum  praeteriit  ex  quo  Innocentius  tertius  in  concilio  Lateranensi  decretum  hoc  condidit.  De  [pag.  45]  transsubstantiatione  litem  movebimus:  in  promptu  erit  responsio,  quadringentos  annos  non  censeri  in  hac  postrema  aetate.  Videmus  ergo  ut  bonus  censor  facete  scurrando  fermenta  omnia  sepeliat,  dum  negat  pro  fermento  habendum  esse,  nisi  de  quo  nulla  movetur  controversia.  Neque  etiam  dolo  vacant  exceptiones.  Per  errorem,  imperitiam,  vel  ambitionem  :  quia,  antequam  pateat  ad  disceptationem  aditus,  unum  ex  his  tribus  coarguendum  erit.  Quid  autem  si  per  avaritiam,  vel  cuiuspiam  Epicurei  vafritiem  error  obrepserit?  Videmus  ergo  ut  meris  [pag.  46]  nebulis  perstringat  oculos.  Iam  qua  severitate  phantasma  suum  persequitur?  Doctrinas  palam  impias,  quae  heri  emerserint,  cavendas  non  negat  ut  fermentum:  modo  qui  eas  noverint,  non  temere  apud  quosvis  contendant.  1)  Quid  hoc  sibi  vult?  Nempe  ut  qui  aliis  praeire  debebat,  perfido  silentio  prodat  fratrum  salutem.  Paulo  quidem  honestius  quod  statim  subiicitur:  ubi  gloria  Dei,  vel  proximi  utilitas  postulat,  quod  sentias,  libere  et  constanter  dicendum  esse.  Sed  facilius  ignem  cum  aqua  concilies,  quam  flexuosas  istas  ambages  quae  homineb  saniore  [pag.  47]  intelligentia  praeditos  nunc  iubent  sibi  solis  1)  noverit  con  tendat.  Amst.