40:538  peritos  omnis  prudentiae  et  intelligentes  scientiam:  postremo  exprimentes  cognitionem.  Nam  videntur  mihi  recte  sentire  qui  participium  hoc  active  accipiunt,  quia  alioqui  frigida  esset  atque  inepta  repetitio.  Ego  igitur  existimo  notari  hic  disertos,  qui  non  tantum  intelligant,  quemadmodum  multi  sapiunt  sibi,  et  intus,  neque  possunt  aliis  exprimere  quid  habeant  in  animo.  Non  enim  omnibus  data  est  illa  dexteritas,  ut  possint  mentem  suam  explicare.  Ergo  utrumque  hic  ponit  Daniel,  nempe  ut  sint  praediti  scientia,  deinde  ut  possint  cogitationes  suas  exprimere:  et  in  quibus  sit  vigor.  Nam  ro  coah  fere  semper  accipitur  pro  fortitudine,  sicuti  Isaiae  40  (v.  31).  Qui  timent  Dominum  mutabunt  fortitudinem  hoc  est,  renovabuntur  in  suo  vigore.  Deinde,  Defecit  robur  meum  (Psalmo  22,16),  id  est,  defecit  vigor  meus.  Adiungit  ergo  intelligentiae,  scientiae  et  facundiae  fortitudinem,  vel  vigorem,  aut  corpus  vegetum,  quod  idem  est  :  ut  starent  in  palatio  regis,  et  docerentur  literaturam.  Ego  non  possum  aliter  vertere  particulam  19D  Sepher:  ad  verbum  esset,  literam:  sed  intelligit  doctrinam,  vel  disciplinam  et  linguam  Chaldaeorum.  Videmus  nunc  regem  non  tantum  habuisse  rationem  generis,  ut  iuberet  sibi  adduci  nobilissimos  quosque  ex  stirpe  regia  et  procerum,  sed  etiam  habuisse  delectum,  ut  essent  ingeniosi,  quos  volebat  sibi  habere  ministros:  ut  essent  bene  nati,  quemadmodum  loquuntur:  pollerent  etiam  facundia,  ut  possent  optima  quaeque  ab  illis  sperari:  atque  ut  essent  optimo  et  vegeto  corpore.  Itaque  non  dubium  est  quin  voluerit  eos  habere  in  maximo  pretio,  ut  alliceret  etiam  alios  Iudaeos.  Deinde  ut  postquam  adepti  essent  autoritatem  (si  ita  res  et  usus  flagitaret)  possent  etiam  praefici  Iudaeae,  atque  ita  dominari  in  gente  sua,  et  interea  manerent  addicti  imperio  babylonico.  Hoc  fuit  consilium  regis.  Non  est  igitur  cur  hic  laudemus  eius  liberalitatem.  Nam  spectavit  proprium  commodum,  ut  satis  apparet.  Interea  tamen  videmus  tunc  bonas  artes  et  liberales  non  fuisse  ita  contemptas  ut  hodie  et  superioribus  saeculis.  Invaluit  enim  tanta  barbaries  in  mundo,  ut  fere  turpe  esset  nobilibus  censeri  inter  doctos  et  literatos  homines.  Hoc  erat  summum  decus  nobilibus,  nihil  prorsus  tenere  doctrinae.  Et  gloriati  sunt  etiam  nobiles  hoc  nomine  quod  non  essent  clerici,  quemadmodum  vulgo  loquuntur:  et  si  qui  ex  nobilibus  fuerunt  instituti  in  literis,  hoc  non  alium  in  finem  accidit,  nisi  ut  possent  adipisci  episcopatus  et  abbatias.  Interea  (quemadmodum  dixi)  puduit  fere  nobiles  aliquid  tenere  literarum.  Videmus  saeculum  iliud,  de  quo  loquitur  Daniel,  non  ita  fuisse  barbarum.  Nam  rex  voluit  habere  in  suis  principibus  pueros  istos,  quos  iussit  ita  doceri,  propriae  quidem  utilitatis  causa  (ut  dictum  fuit),  sed  notanda  interim  est  consuetudo.  Quod  autem  re-