32:538  s'il  y  a  vice  qui  nous  empesche  de  servir  a  Dieu,  c'est  cestuy  la:  ascavoir  ceste  convoitise  des  biens  mondains.  Maintenant  David  (apres  avoir  parle  par  special  de  l'avarice)  dit  Destourne  mes  yeux,  afin  qu'ils  ne  voyent  point  vanite.  Vivifie-moy  en  ta  voye.  Quand  David  demande  que  ses  yeux  soyent  destournez  pour  ne  point  voir  vanite:  c'est  comme  s'il  disoit,  Helas!  Seigneur,  i'ay  besoin  de  resister  a  mille  tentations,  voire  et  qui  sont  infinies,  qui  me  peuvent  venir  au  devant,  et  que  le  diable  me  presente:  afin  que  ie  soye  desbauche  de  ton  service:  quand  il  n'y  auroit  que  cela,  il  faudroit  que  ie  fusse  cent  mille  fois  veincu,  sinon  que  tu  m'enseignasses,  et  que  ie  fusse  fortifie  de  ta  main.  Mais  encores  Seigneur,  voyci  deux  portes  qui  sont  ouvertes  pour  recevoir  les  ennemis.  Ie  vous  prie,  quand  nous  serons  assiegez  d'une  grosse  armee,  et  qu'il  n'y  aura  nulle  force  en  nous  pour  resister,  et  qu'au  lieu  d'estre  en  quelque  place  imprenable  la  ou  nons  pourrions  repousser  nos  ennemis,  que  les  portes  soyent  la  toutes  ouvertes  pour  leur  donner  entree,  quo  sera-ce?  Ainsi  en  est-il,  que  les  deux  yeux  de  l'homme  sont  comme  deux  portes  qui  recoyvent  les  ennemis.  Et  que  sera-ce  quand  nous  n'aurons  nulle  vertu  pour  leur  resister  et  pour  aller  au  devant?  Et  ainsi,  puis  que  nous  avons  des  ennemis  en  nous-me8mes,  et  que  nous  sommes  non  seulement  debiles,  mais  qu'il  n'y  a  que  foiblesse  en  nous,  que  nous  sommes  exposez  comme  en  proye  a  Satan,  quand  nous  voyons  ces  deux  portes*  ainsi  ouvertes  a  tous  les  assauts  qu'il  nous  fait,  nous  avons  bien  besoin  de  demander  a  Dieu  (a  l'exemple  de  David)  qu'il  destourne  nos  yeux,  afin  qu'ils  ne  voyent  point  vanite.  Cognoissons  donc  que  David  nous  a  voulu  monstrer  en  ce  passage,  que  les  yeux  de  l'homme  sont  tousiours  enclins  a  recevoir  vanite:  c'est  a  dire,  qu'ils  sont  tousiours  transportez  a  tout  mal,  a  toutes  meschantes  concupiscences  iusqu'a  ce  que  Dieu  les  ait  destournez.  Voire,  et  non  seulement  nos  yeux  sont  des  portes  pour  recevoir  tout  mal:  mais  ce  sont  des  messagers.  Comme  si  non  seulement  les  portes  estoyent  ouvertes,  mais  qu'il  y  eust  des  traistres  qui  fussent  pour  faire  les  messages  pour  enseigner  les  ennemis,  Voyla  ou  il  vous  faut  venir:  voyla  par  ou  il  vous  faut  entrer.  Ainsi  en  est-il  de  nos  yeux,  nos  yeux  recoyvent  d'un  coste  les  ennemis,  et  d'autre  coste  ils  portent  les  messages  iusqu'au  profond  du  coeur,  pour  nous  envenimer  du  tout.  Ainsi  donc,  nous  voyons  combien  ceste  requeste  est  necessaire  a  tous,  ainsi  que  David  l'a  faite.  Mais  selon  que  chacun  a  plus  profite  en  la  cognoissance  de  Dieu,  tant  mieux  eomprend-il  ceste  doctrine:  et  ceux  qui  y  scavent  et  cognoissent  le  moins,  seront  ceux  qui  presumeront  le  plus  de  leurs  vertus.  Mais  au  contraire,