7:537  537  IUDICIAIRE.  538  bres.  Brief,  ie  tiens  autant  de  conte  de  toutes  les  veritez  qu'ont  iamais  dit  ces  Mathematiciens,  que  des  faux  miracles  dont  les  Magiciens  de  Pharao  ont  combattu  Moyse,  et  par  lesquelz  Iesus  Christ  a  predit  que  le  monde  sera  deceu.  Or,  comme  c'est  un  horrible  labyrinthe  et  sans  yssue  que  des  folies  et  superstitions,  desquelles  les  nommes  s'enveloppent  depuis  que  ilz  ont  une  fois  lasche  la  bride  a.  leur  curiosite,  beaucoup  d'espritz  volages,  apres  s'estre  amusez  a  la  divination  des  astres,  se  fourrent  encore  [page  48]  plus  avant,  assavoir  en  toutes  especes  de  divinations.  Car  il  n'y  a  nulle  tromperie  du  Diable  ou  ilz  ne  prennent  goust,  depuis  qu'ilz  ont  este  affriandez  a  une.  Et  pour  faire  trouver  bonne  leur  diablerie,*)  ilz  la  couvrent  du  nom  de  Salomon,  comme  s'il  eust  este  un  sorcier.  L'Escriture  parle  bien  de  l'intelligence  qu'il  a  eu  des  profondz  secretz  de  nature:  mais  elle  ne  dit  pas  qu'il  ait  este  devin.  Et  de  fait,  nous  voyons  la  condamnation  universelle  que  prononce  si  souvent  Moyse  sur  tous  ceux  qui  s'en  meslent,  principalement  au  dixhuitiesme  chapitre  du  Deuteronome,  ou  il  dit:  Qu'il  ne  se  trouve  point  en  toy  devin  qui  devine,  ny  observateur  des  iours,  ny  ayant  egard  aux  oyseaux,  ne  magicien,  ny  enchanteur  qui  enchante,  ny  homme  consultant  avec  les  espritz  familiers,  ne  sorcier,  ne  coniurant  les  mortz:  car  tous  ceux  qui  font  ainsi  sont  en  abomination  a  Dieu,  et  pour  telles  iniquitez  il  a  destruit  les  peuples  qui  ont  habite  en  ce  pais.  Qu'il  nous  souvienne  tousiours  de  ce  que  i'ay  touche  cy  dessus,  que  Dieu,  regardant  aux  Egyptiens,2)  veut  detourner  son  peuple  de  toutes  leurs,  facons  de  faire.  Parquoy  il  condamne  toute  l'Astrologie  iudiciaire,  qui  passe  les  limites  de  vraye  science  en  devinant:  et  pareillement  toute  magie,  [page  49]  entant  que  ce  mot  emporte  revelation  des  choses  cachees,  qui  se  fait  par  enchantementz  ou  en  coniurant  les  espritz,  ou  par  telle  vanite.  Et  notons  que  Dieu  ne  s'est  point  contente  d'un  seul  mot:  mais  voyant  que  les  espritz  des  hommes  sont  si  chatouilleux  a  extravaguer  en  vanitez,8)  pour  mieux  oster  tous  subterfuges,  raconte  toutes  les  especes  qui  estoyent  cogneues  pour  ce  tempsla,  et  mesme  use  d'aucuns  noms  qui  estoyent  honorables,  comme  Chosseni;  qui  se  prent  pour  celuy  qui  revele,  et  quelques  fois  s'applique  aux  Prophetes  qui  predisent  ce  qui  est  encores  cache.  Apres  Hober,  qui  vient  de  conioindre,  et  dit,  celuy  qui  assemble  ou  conioint  les  conionctions,  signifiant  1)  diabolicam  superstitionem.  2)  quum  Aegyptios  damnat.  3}  quoniam  hominum  ingenia,  quasi  in  lubrico  versentur,  facile  in  omnia  vanitatum  genera  labi  possunt